{ SKIP }

POSTED ON 26 Oct 2017
第四十五屆東京車展將於聽日正式對外開放,而MenClub就派出特派記耆,於開幕前率先探路,同大家睇各大車廠嘅重要看點!

豐田

Concept I

豐田宣佈計劃於2020年推出三架屬於「Concept I」嘅汽車,主要賣點係裝有自動駕駛同人工智能,能夠透過分析駕駛者嘅面部變化以及駕駛行為,斷定佢是否處於壓力之下,必要時自動駕駛會介入確保安全。

Fine Confort Ride概念車

另外亦公佈以氫氣發電推動嘅Fuel Cee概念車「Fine Comfort Ride」。Fine Comfort Ride賣點除咗環保同續行力(航程1000km,每次入氣只需三分鐘)之外,仲有以舒適為主嘅車身設計。利用電動車摩打細小嘅特點,將其藏入車輪之中,其將四個轆盡量向四角外移,騰出空間為乘客所用。

GR HV Sports 概念車

由GT86發展以來嘅Targa開蓬車,動力系統技術來自豐田Le Mans賽車TS050 Hybrid,配上6速自動波箱,但據說撳個掣就可以轉返做棍波。

Toyata Crown 概念車

作為S210嘅後繼型號,外型上更加有跑車感,而且去到紐北賽道試車,據說係操控與舒適兼備嘅四門轎車。配備大量Vehicle-to-Infrastructure(如路燈)、Vehicle-to-vehicle系統,仲有新嘅Data Communication Moduels。豐田指可以收集大數據,用作減少路面擠塞等問題。

Toyota Century

豐田旗下頂級加長版豪華轎車,新款將會接替賣咗廿年嘅mk2,引擎亦由mk2嘅V12換咗做V8混能,預計首年只會生產600部。

Lexus

LS+概念

預計2020年推出嘅旗艦車,包括自動巡航、自動爬頭等自動駕駛技術,但廠方就指駕駛者依然擁有最高決定權——即係如果你硬係要撞,佢係阻唔到你嘅。

日產

Leaf Nismo Concept

與賽車部門Nismo合作、建基於Leaf 2018嘅高性能版。加入對比色車頂、前進氣口、側鰭以及更具肌肉感嘅尾部黎增強陽剛感,新避震同車軚亦會增加賽車感。

IMX

航程600公里(報稱)嘅電動SUV,前後兩個電動摩打合共432匹馬力加分別推動前後輪,預計2019年推出。

本田

Sports EV 概念車

屬於本田預計推出嘅三部電動車之一,亦與NSX及Civic Type R成為本田嘅「性能代表」。內置人工智能,能夠與駕駛者互動及提議最佳路線,車頭嘅捲動顯示器可以顯示問候語、對其他駕駛者嘅忠告等——如果真係出而香港又有份,一定有人寫粗口落去。

Urban EV

確定於2019年推出、比起Jazz稍為細部啲嘅電動車,會先於歐洲推出,然後先到日本本土。預計航程同樣係250km。

三菱

E-Evolution 概念

針對日產Juke推出嘅電動SUV,可以達到4級「Mind off」自動駕駛,即係駕駛者直頭瞓著唔理架車,佢都識自己於特定路線(或塞車中)行駛,脫離特定區域而駕駛者冇從新掌控,佢就會自己搵位停低等你醒返。

Subaru

Viziv Performance 概念車

即新一代WRX,集Legacy、Impreza與WRX之所長,會使用Subaru著名嘅Boxer Engine,又會對稱式全時四輪驅動,但就未有公佈實際動力數字。預計2020年面世。

SRX STI Special S208

日本限定特別版,碳纖車頂,2.0四汽缸引擎、324匹馬力、經調較後加速力亦有上升。只會生產450架。

BRZ STI Sports Pack

又係日本限定,使用同樣嘅2.0自然進氣水平對臥四缸引擎引擎同六速波箱,但底盤更為堅固。轉用18吋車輪加強操控及減少傾側。限量生產100架。

萬事得

Vison Coupe 概念

大型四門轎車,相傳會使用轉子引擎,又話會轉後驅,不過目前睇落都可能會用返HCCI點火技術嘅Skyactiv-X引擎。

Mazda Kai(魁)

由Mazda 3演變出黎,但並非直接取代。使用Skyactic-Vehicle Architecture底盤,全新Skyactiv-X引擎配備渦輪增壓器,加上「火花控制壓縮點火(SPCCI)」引擎,性能比現行高10-30%之餘,油耗亦會減低。預計2019年進入市場。

Yamaha

Hub 概念車

由McLaren F1嘅設計Gordon Murray設計,靈感係「集戶外運動與都市生活於一身」。

Daihatsu

DN Compagno Coupe

係五部小型概念車嘅第一部作品,靈感來自1963年、為「活力老人」而設嘅原版Compagno。會配上1.0渦輪增壓引擎或者1.2混能引擎。

Pro Cargo概念車

超大車門、可轉動駕駛席以及無障礙後車門方便輪椅使用人士上落。

法拉利用來取代California T的Portofino開篷超跑GT已經正式登陸中國市場,並於日前在南沙港舉行盛大登場儀式。
auto
法拉利Portofino正式登陸中國市場
23 Nov 2017
一個男人成功「荼毒」老婆嘅感人故事!
auto
得一知己死而無憾 沖繩飄移夫婦
23 Nov 2017