{ SKIP }
文:MenClub John Chan  
POSTED ON 28 Dec 2016

Photos: Doppelganger Outdoor Japan

呢幾日係凍啲,大風咗啲,不過十二月、一月,只要唔係太凍,有陽光,喺周末周日揸車去郊外,搵到個靚位睇吓風景,同屋企人或自己鍾意嘅人喺戶外傾吓計都幾好,唔一定吓吓都要洗錢買買買先爽嘅。




但係,話明郊外,一靚位又冇位坐,一係就坐埋晒啲黐手黐腳黐笠笠嘅郊野公園benchseat,又或者係由原石切出嚟嘅石櫈,就算唔怕凍,坐得幾個字到半個鐘,屁股已經頂唔順,傾多兩句就想走。




我哋之前介紹過戶外用品品牌DOPPELGANGER OUTDOOR有款帳篷好啱電單車用家旅行用,最近佢哋推出咗一款好啱MPV嘅雙座位摺椅,稱為Good Rack Sofa,呢款摺椅重5.65kg,摺起之後長100cm、厚13cm、高67cm,睇數字,幾compact。承載上限為160kg,ok吖!







好老實,Good Rack Sofa普通過普通,你話佢係企理啲,靚仔啲嘅沙灘椅或「導演櫈」都得,但睇落都算製作認真,杏色鋁合金架襯木質扶手,軍綠色尼龍椅套,有跣水塗層兼可成張拆出嚟洗,幾好!你知啦,有時成班兄弟去戶外玩,坐完地又再上張椅,防污同易清潔係好重要。另外,10,500 Yen呢個價已包埋軟質椅墊,天氣涼少少拎去戶外坐,暖啲又舒服啲。



計我話,屋企有老有嫩,而你部MPV又有空位,去燒嘢食又或者去郊野公園野餐,更可能鍾意去海灘吹吹風,買返張。「喂!成5.6kg喎!」「頂!你老媽子同老豆後生抱住你嗰陣都冇嗌辛苦啦!」你牛高馬大,好心你啦!


身邊總有幾個唔使做、唔使返工,成日周遊列國嘅朋友,間中又會聽到佢哋講:「返乜鬼工吖,度吓去邊度玩好過啦!」
auto
【仲做?放假啦!】Ferrari Cavalcade 揸愛車看亞德里亞海
28 Jun 2017
有關積架(Jaguar)會製作一部歷來最大馬力房車嘅傳聞,聽咗有兩、三年。唔使再傳喇,XE SV Project 8正式發表。
auto
【四驅.600匹】最大馬力Jaguar XE SV Project 8
28 Jun 2017