{ SKIP }
文:MenClub 魏文青  
POSTED ON 19 Nov 2017
同齡朋友們開始生仔,有時睇住佢哋所謂嘅「親子樂」就係一齊拎住部電話睇Youtube,都真係有幾分唏噓。世界越黎越多嘢玩,兩父子相處時間已經少,要一齊坐低落手落腳完成一年作品就更有難度,更加唔好講要喺日本砌起一架改裝Pick Up Truck。正因為難得,所以以下呢部身處沖繩嘅Datsun 620先咁值得介紹。

呢部620原本係美國青年Kei嘅爸爸擁有,喺某一個生日嘅時候就送咗畀Kei。後來成家搬去日本,部620亦都跟埋去。本來Kei只係將部620當成代步工具,可幸嘅係佢爸爸原本就係個汽車改裝愛好者,耳濡目染之下Kei就開始改裝自己部車。受惠於620嘅簡單結構,Kei能夠因應自己嘅喜好大副改造車身,所以雖然睇落唔多覺,其實成架車每個部份或多或少都經Kei同爸爸嘅手修改過。

為向Skyline致敬(Datsun係日產旗下分系),Kei將本身係直間嘅前散熱進氣欄拆咗,重新製成目前嘅兩片網狀進口氣;為咗提高操控,全車亦換上空氣彈簧避震,而又為咗放套避震,所以Kei要改動部份車架,而又因為要改個車架,於是個入油位就由車側搬咗上車尾貨艙之中,並以一個特別塗裝嘅工具箱中。

輛拱上嘅螺絲原本係來自Kei爸爸嘅Datsun 240Z跑車,但佢認為更加適合620,於是就送咗畀Kei。而黃色嘅六孔軚鈴就係一Set 15吋嘅Enkei Decem Sports。引擎方面目前仲係原裝嘅L16,不過Kei就話佢都就黎打柴,所以已經準備好副來自日產S13嘅CA18DET引擎替換。

車身內嘅儀表都係來自AutoMeter,Sparco L360軚盤就安裝於一個可以上下扭動嘅組件之上,而上面紅色嗰粒掣就犀利啦,係個響咹黎。車內冇太多誇張嘅裝飾,即係有碌頗有小巴風情嘅長身「泡泡膠」波棍,同一個心型地鐵扶手。最大工程係為咗放套音響,要再次由車尾貨艙偷位。

事實上整間車最麻煩嘅唔係改裝,而係令其能夠成功拎牌於日本路上行駛。尤其係Kei曾經改裝車架同避震,於是日本方面就要求佢哋拎架車去測試,通過之後再拎文件黎申請。呢樣就考起Kei父子,好在一次因緣際會之下,一個陌生人見到Kei呢架車泊喺路邊,好奇及欣賞之下就去搭訕,點知呢個男人就有儀器可以為部620做測試。於是年半後部車終於可以上路。
呢部620係咪大家見過最靚嘅改裝車?大概都唔會係。但今時今日仲有位年青人會同爸爸一齊落手落腳改裝一部車,呢份父子情就實屬難得。呢部車載嘅除咗人,仲有現時少見嘅「父子的浪漫」。
Speedhunter
看到這部Castrol TOM’s Racing Supra的拉花,車迷一定有回憶啦?在日本這部曾經縱橫賽場的經典賽車,竟然放在倉庫超過20年。最近這極品就重現人間,而且回到TOM’s Racing手上,最好當然是內外大翻新,之後再落場轟 ...
autofeature
【睇片】日本倉庫發見 荒廢20幾年Castrol TOM’s Racing Supra重生計劃 ... ... ...
13 Jul 2020
於2013年推出的第三代凌志(Lexus)IS,經過一輪流出圖、片之後,終於正式公開小改款。並非全身車,不過外觀、內櫳都有點改動,但引擎規格則不變。
autofeature
【睇片】凌志IS小改款 外觀更跑引擎不變
16 Jun 2020