Photos: Nissan Japan

日產（Nissan）昨日喺日本公布大計，目標喺2020年代中，將每年銷量由目前約15000部，增至約10萬部。要賣咁多車，當然要擴大NISMO系列嘅陣容，廠方話可見將來，NISMO系列嘅數目將會係目前嘅2倍。

為止，日產將會聯同旗下嘅AUTECH Japan同NISMO，加快開發新款嘅NISMO車種，並會喺AUTECH Japan之下，設立「NISMO汽車事業部（NISMO CARS）」。

另外，廠方宣布新設Heritage Parts Program，重新製作已經停產嘅R32型Skyline GT-R零件，廠方喺現階段未公布有闗詳情，只知計劃將會喺今年秋季啟動。

消息一出，唔少著名GT-R或日本經典車群組成員紛紛讚好及廣傳有關消息，但亦有人擔心，廠方今次打正旗號搞Heritage Parts Program，R32零件售價將比以前更貴。明嘅，明嘅，不過咁講啦，有零件總好過冇，況且，一次過換晒佢，痛痛快快，部車企理又醒神，玩都玩得開心啲。

咦！咁「32」啲易手價會唔會又再颷高啲呢？