{ SKIP }
文:MenClub John Chan  圖:互聯網
POSTED ON 06 Nov 2015

近幾年經常聽到各大車廠要召回旗下已發售型號,更換不合規格嘅安全氣袋,呢啲安全氣袋,大多數都來自日本高田(Takata)。所謂不合規格,就係指安全氣袋爆發時嘅衝力太大,因而引致八宗死亡事故(涉事車輛全部來自本田),最終令採用高田氣袋嘅多間車廠,需要召回接近4000萬部車輛。

高田係日本嘅主要汽車零部件製造商,二次大戰前已生產「救命索」,六十年代積極研製汽車安全帶,七十年代末開始生產兒童安全座椅,九十年代踩入汽車安全氣袋巿場。截至去年,汽車安全氣袋就佔咗全年公司銷售數字嘅38%。

本田喺80年代中晚期推出汽車安全氣袋,高田(Takata)就係當時嘅合作夥伴

不過,日前高田嘅多年大客(雙方合作超過50年),本田汽車就宣布,唔再同高田合作,並停止喺本田新車安裝高田嘅氣袋膨漲器,高田股價喺東京嘅股價即跌20%;轉個頭,萬事得亦宣布棄用含有亞銷酸嘅高田氣袋膨漲器。另方面,三菱同富士亦表示,佢哋有意轉用來自其他供應商嘅膨漲器。

EK9 Type-R個安全氣袋都係來自高田

2006年,本田與高田宣布成功巿販電單車安全氣袋

高田目前由高田家族擁有,並持有約60%股份,行政總裁高田重久(Shigehisa Takada,見下圖)表示,公司已有挽救方案,但現階段未能公布。

高田重久

有汽車工業分析員認為,高田好難過到呢一關,因為高田今次唔係「呃人」(邊個呃人?邊個??邊個啊!),而係因安全設備不合規格引致死亡事件。另外,本田拒絕再用高田出品,亦重挫外界對高田嘅信任。

咁講法,50年代已經喺扯旗山出沒嘅高登神獸,係時間出場嘞!

來到月尾,《GT 7》又有更新,首先有沒有準備出發日本看櫻花?沒有的話可以在遊戲內駕駛愛驅去新增拍照模式賞櫻地點影靚相。而新增車款則有林寶堅尼(Lamborghini)Urus、Audi R8 V10 Plus及豐田(Toyota)GT-One。現實 ...
autonews
【睇片】《Gran Turismo 7》本月更新 揸豐田GT-One影櫻花
28 Mar 2024
Maserati回歸賽場,就是即將在夏季推出的MCXtrema。繼承MC20血統,MCXtrema早前就去到Autodromo Varano de’ Melegari進行測試,而駕駛的就是首席試車手Andrea Bertolini。3.0公升Twin-turbo V6引擎,馬力720hp,扭 ...
autonews
【睇片】瑪莎MCXtrema落場測試 推出前聽靚聲
27 Mar 2024