麥拿侖（McLaren）F1車隊被喻為最成功嘅F1車隊之一，雖然自再夥拍本田之後，成績認真麻麻，但佢哋嘅風險管理做得好，加上「實力」雄厚，小小苦楚咪等於激勵囉。講真，麥拿侖車隊唔係話咁多年都無風無浪，九十年代中期亦曾經為引擎供應而煩到R爆頭，但係都捱過咗啦，生命滿H望嘛，更何況，佢而家已經有最好嘅H啦，不過隻H最近唔多生性啫。

麥拿侖喺2015 F1賽季完結後，咁靜局，點都要搵嘢搞吓，唔通朝朝番到公司揸份早餐又想蒙混過關呃老闆份量咩。車隊發表咗稱為MP4-X嘅概念F1賽車，概念得嘅，梗係未來，而且MP4-X唔會喺可見將來變成實物，因為佢冇引擎，只用電（設計師話電池好薄）同摩打，有多少似而家嘅電動方程式（Formula E）。

仲有一大堆詳細技術資料講部車點勁點威，但我相信大家都係唔想咁沉重，歎吓呢幾張圖，將來嘅嘢，留番將來至講。

有心刨文，可以睇呢度：

http://www.mclaren.com/formula1/car/mclaren-mp4-x/?utm_source=Facebook&utm_medium=social&utm_campaign=MP4X