呢部極可能係車壇有史以來最核突樣衰嘅SUV，名為Puma，係來自美國一家小型汽車製造商，呢款車喺2013年洛杉磯車展發表，後來賣咗幾多部，有幾受歡迎？相信唔會好多人知，亦都冇興趣知。不過，呢個世界，但凡有啲古怪核突嘅產品，一定會有人唔介意做白老鼠、死士，又或畀人當係水魚，「點都要試一試」。

配可摺式硬頂，開關約需時30秒

最近有相信係零手買家，喺著名貴價品拍賣網jamesedition.com，放售一部2013年嘅Puma，呢部車只係行咗848公里，賣方開價895,000美元（折合約港幣698萬元），售價比保時捷918 Spyder在美售價，即845,000美元，仲要貴多50,000美元，又貴又醜樣，除非真係畀人搵槍指住個頭，否則死都唔會買部咁嘅嘢。

SUV撈埋Coupe註定冇幸福，Puma又是實例

Puma配一副來自Convette跑車，LS7系列嘅7公升V8自然吸氣引擎及6前速自動波箱，最大馬力505匹，0至100km/h加速為5.9秒；嫌唔夠皮，可以揀有650匹輸出嘅超級增壓機器，但耗油量就極之嚇人，即使行公路都要19.6L/100km，除開接近「3蚊一公里」。

車壇有好多擺明「呃傻仔」嘅產品，大家揀車要小心，無論你有冇錢都係咁話。