中國內地汽車製造眾泰（Zonte）嘅城巿型SUV——SR9，外形同車廂設計都被指同保時捷（Porsche）Macan好似樣。

唉！類似咁嘅事喺強國汽車業嚟講都唔係新事物。本來，抄咗都算啦，佢哋早前為咗慶祝三八婦女節，推出咗粉紅色版本，廠方稱為「女神定制版」，話明係針對「粉紅控」而設計喎，售價約為18萬元人民幣。

呢部「女神定制版」話明送埋以蘇綉工藝之中「挑花」技術製造嘅雨傘，方便著短裙嘅女士喺落車時，用嚟遮住，防止走光。唉吔！呢個「艾啲牙」真係好＿偉大呀，全中國人民要多謝你呀，咁鍾意著短裙嘅強國媽車主就使蝕底畀人啦！

廿皮人仔有找，咩Specs先？原來都有2公升直四Turbo引擎（其實係三菱Turbo引擎），最大馬力190匹，峰值扭力25.5kgm/2400rpm-4800rpm，前輪驅動，波箱係稱為「6DCT」嘅設計，唔知係唔係6速雙離合器6DCT咁解呢？

眾泰汽車官網有唔少Wallpaper供下載

「喂喂！不如再露多啲吖」