{ SKIP }
文:MenClub Mean娜  圖:互聯網
POSTED ON 28 Jun 2017
可能女仔平時已經對慣勁多喱士勁多帶兼半透明嘅內褲,所以冇諗過原來男人對「綁帶內褲」會咁有暇想,覺得現實中所有「綁帶內褲」都好似AV、寫真同動漫所描述嘅一樣,一拉個蝴蝶結條底底就會徐徐落下咁誘人……但歌仔都有得你唱「不要自作多情去做夢」,事實上市面上賣嘅好多都係蠱惑的「綁帶內褲」,大家就唔好再FF咁多喇……orz。


繪師なーべ渡辺就喺Twitter度大大力地突破大家條盲腸,點醒年輕嘅少年唔好再被「綁帶內褲」所迷惑。


因為今時今日拉得甩個蝴蝶結嘅內褲已經所剩無幾……


為方便女女穿著,而家大部分嘅「綁帶內褲」都係另外加條繩上去打個蝴蝶結架咋!唔會甩架條底褲!


仲係唔明?!咁另一位繪師ねこまた畫嘅圖會唔會易明啲呀?個蝴蝶結用嚟裝飾架咋~唔好再對「綁帶內褲」存有咁多性感畫面!


再講多少少畀大家知,除非條女係別有用心特登用條勁易甩嘅底褲嚟色誘男士之外,根據非正式統計,大部分女仔揀底褲時只會諗靚定唔靚、舒服定唔舒服、易透定唔易透……好多時都會忽略有冇情趣呢個環節,所以即使佢哋遇到「真‧綁帶內褲」,可以輕易拉甩條繩,佢哋都會選擇綁‧實‧個‧結!等條底褲唔會行行下甩鬼咗。呢個就係現實。完!

最近網上就瘋傳一輯新加坡靚仔攝影師陳宇飛嘅相,估唔到,原來佢已經50歲!
gags
有樣有肌有才華 新加坡50歲逆齡猛男
27 Jul 2017
只要聞一聞咖啡香味,再聞一聞自己身體,就可以容易聞得出,自己嘅體味係點。
gags
一杯咖啡測試你有冇體味
25 Jul 2017