{ SKIP }
文:MenClub Mean娜  圖:互聯網
POSTED ON 05 Jul 2017
每次講親戀愛/女女話題,Comment一定有人話︰「首先你要……」or「哪有女」等等,可見香港一眾單身男士幾咁渴望愛情!不過日本嘅單身男士似乎又唔係咁諗,有傳日本愈來愈多「絕食系」男人,意思係對戀愛已經冇興趣!日本綜藝節目「月曜から夜ふかし」N年前就公開過一個日本網站調查,講下點解咁多日本男人一世單身!




搵唔到鍾意自己嘅人
愛情最可悲嘅地方就係你付出幾多唔代表收穫成正比。好多男士覺得自己唔夠靚仔、唔夠有型、唔夠Charm,唔夠有錢,所以一直得自己鍾意人,冇人鍾意自己,搞到與其期待愛情,不如直接放棄愛情仲冇咁hurt。



遇唔到理想中嘅女性
又一樣愛情最可悲!人哋幾鍾意你對你幾好都冇用,冇Feel就係冇Feel!好多男士一生中希望可以搵到一位理想伴侶,但兜兜轉轉,遇見嘅女人唔係呢樣唔好,就係嗰樣唔對路,所以一直搵唔啱對象,久而久之對戀愛都感到心淡。



其實自己一個更開心
雖然冇另一半,但換來嘅就係唔需要顧慮對方感受、唔需要報告行蹤、唔需要同異性避嫌,自己想做咩就做咩,超級自由。



賺嘅錢自己用晒
男士基於風度,好多時都會幫女性出埋錢,覺得做男人要承擔埋女方嘅經濟問題,但內心有幾多人條氣真係順?老老竇竇,自己賺錢賺得咁辛苦,真係冇諗過︰如果唔係畀埋女朋友嗰份,我就可以買XXX嘅念頭?就係因為啲錢係自己辛苦賺返嚟,先更想自私地用晒喺自己身上,連女朋友都唔想分。


雖然呢個調查係日本嘅,但相信對香港男士一樣有用!
gags
日本妹票選 幫你大加分的貼心小動作
17 Nov 2017
假如有朝一日,你哋要同岳父岳母住,又接受到以下幾多情況呢?玩完呢個測試,可能你哋就會明白點解老婆會咁唔想同奶奶一齊住。
gags
教你明瞭老婆心 何解怕同奶奶住
16 Nov 2017