美國密西根大學錯於老年醫學期刊發表過一篇研究，請來4864對伴侶作為研究對象，研究對象全部都係雙方經已年滿50歲、平均結咗婚33年，而結果發現，當中有同另一半一齊飲酒嘅情侶，對於婚姻品質同埋婚姻滿意度都比較高。不過研究同時發現，如果雙方都唔飲酒，其實都有好唔錯嘅婚姻滿意度。但如果係一個飲酒一個唔飲酒呢？就發現對婚姻嘅滿意度會明顯下降。點解會咁呢？

密西根大學教授Kira Birditt就話，雖然未搵到確實原因去證實結果，但佢哋推測一齊進行休閒活動嘅情侶，會有比較好嘅生活品質，比如兩個一齊飲酒、一齊唔飲酒，都係雙方共同進行，但如果一方飲酒一方唔飲酒，就冇得一齊享受活動。不過，如果飲酒飲到過咗火，變成酗酒，咁就完全另當別論喇。