{ SKIP }
文:MenClub 魏文青  
POSTED ON 04 Aug 2017
6月嘅時候我曾經同大家報導過有「日本第一美尻」之稱嘅寫真女星安枝瞳引退嘅消息,當時就冇講佢引退係為咗咩,到今日就終於知道原來佢係為咗結婚。但最驚人嘅唔係佢結婚,而係佢老公竟然係日本搞笑藝人「PIKO太郎」,亦即係上年唱《PPAP》唱到係人都識嘅嗰個奇怪大叔!


「PIKO太郎」本身嘅藝名係「古坂大魔王」,真名係古坂和仁,「PIKO太郎」其實係佢喺2011年於個人公演上創造嘅角色,不過因為受歡迎,所以佢喺往後嘅日子就繼續「扮演」呢個身份。而古坂同安枝瞳係於2012大家一齊上節目時認識,於2013年5月開始交往,然後於琴日正式結婚。古坂喺個人Blog中以親筆信指被安枝瞳嘅真誠同堅強所吸引,所以想同呢位女人一齊渡過餘生,就連結婚日子都係遷就女方個名嘅諧音而選定,好浪漫呀~

古坂於Blog上公佈的結婚照,係「古坂夫婦」與「PIKO太郎夫婦」嘅合照。


無論係作為搞笑藝人嘅古坂,定係《PPAP》主唱嘅PIKO太郎,能夠娶到樣靚身材正嘅安枝瞳都係一件勵志嘅事黎!所以其貌不揚嘅你千祈唔好放棄呀!只要你有古坂咁有趣、咁識著衫、仲有首全地球人都識唱嘅歌咪得囉,有幾難啫可?


古坂大魔王 on Ameblo
世界上最遙遠的距離,可能就係相愛卻不能相見嘅異地戀!最近淘寶就出現一款「異地戀接吻神器」,即使此天各一方,亦能夠感受對方嘴唇觸感,幫助情侶維持感情熱度。 據中國傳媒報導,近期淘寶出現一款 ...
gags
【奇趣】Long D救星?淘寶驚見「異地戀接吻神器」
21 Feb 2023
唔少人都鍾意喺夏天曬下太陽,換得一身古銅色肌膚,同時促進身體產生更多維他命D,有益健康。不過,最近TikTok就流行一種另類日光浴「曬會陰」(Perineum Sunning),顧名思義即係對住個太陽腿張開,聲稱能夠改善睡 ...
gags
【趣聞】TikTok瘋傳「曬會陰」運動 聲稱能改善睡眠增強性慾
06 Oct 2022