由細到大社會都灌輸我哋「搞藝術」搵唔到錢嘅concept，只有醫生、律師呢啲先叫「專業人士」，除非你好有名氣又拎晒獎兼有晒證書乜乜乜，如果唔係喺世人眼中，搞設計、創作、音樂、攝影呢類藝術嘢都唔算係「才能」，只不過係「技倆」，講衰啲都不過係搵餐晏仔嘅「把戲」。就好似早前網上鬧得熱哄哄嘅「facebook share相當報酬」事件咁，有人賞識搵你影相仲肯share開去免費宣傳就應該謝主隆恩，仲想收返錢真係唔應該啦！哇！實係咁啦！學影相唔使時間唔使錢嘅？買器材唔使錢嘅？技術唔值錢嘅？講到咁簡單咁順手你又唔自己影？又要r人幫？就係因為專業同非專業有分別，所以先值回票價，如果人人都咁易做到，你就唔使搵人影相啦！

攝影師Phillip Haumesser就影咗一系列相，話畀人聽自己成為攝影師前後睇嘅世界有幾唔同，從而鼓勵人透過學習攝影拓展自己嘅新世界，一齊睇下佢做攝影師前後所影嘅相有幾唔同啦！