{ SKIP }
文:MenClub Mean娜  圖:互聯網
POSTED ON 05 Sep 2017
好多單身人士都聽過以下嘅安慰說話︰「未係時候啫!」、「緣份未到啫!」、「佢唔識欣賞你啫!」、「佢走寶啫!」……即係咁,你又有冇諗過唔關個天事唔關個人事係關你自己事?嗱嗱嗱!唔係話你樣衰難相處呢啲呀!係怪你過分聰明咋!有外國傳媒「I ♥ intelligence」就列出幾點,話你知聰明人單身機會係比其他人高!假以時日有人串9你冇拖拍,你都可以理直氣壯同佢講︰「因為我好L聰明!」


1. 聰明嘅人較理性

好多時聰明嘅人都比較理性,咩都分析一餐,對待感情亦如是,比如會諗︰點解我會鍾意佢?點解佢會鍾意我?我哋性格適唔適合,我哋一齊可唔可以好長久?……等等等等,結果好多時諗諗下,就會被「問題」所影響,錯失段愛情。


2. 聰明嘅人難以相信別人

好似頭先咁講,聰明嘅人太多理性推論同分析,所以對其他人接近佢,都會相對有戒心,會猜測對方嘅目的、企圖,同時佢咃自己都會花長時間去評估對方係咪一個可信嘅人,可以對佢敞開心扉。但愛情呢回事,好多時真係講Timing,冇咁多時間同機會畀你估嚟估去。


3. 聰明嘅人會吸取經驗

聰明嘅人擅長從錯誤中吸收教訓,但有時會因為過分反省於前一段感情,而拖累咗下一段感情,有時仲會因為太保護自己,唔好重蹈覆轍,再次犯上一段感情所犯嘅錯誤,而失去勇氣去展開新嘅愛情。



4. 聰明嘅人會更識得將重心放喺自己身上。

雖然好多人都恨拍拖,但其實有又煩,冇又煩,拍拖都唔一定開心,聰明嘅人好明白呢個道理,有時與其將生活重心放喺另一個人身上,又要處理佢各種事情,不如對自己更好,畀多啲時間同空間自己,未嘗唔係另一種幸福。


按摩期間乜真係會有人想傾偈咩?!
gags
日本超詭異打工 按摩床下陪吹水
21 Nov 2017
今次嘅題目就係︰「假如以下4個囡囡姣媾你,你會揀邊個?」例牌呢啲票選都會引起網民熱話,而呢4條囡囡又各有特色,真係可以拗餐飽!
gags
日本網民拗餐飽 又嚟票選4揀1
20 Nov 2017