Rose就話，每個人嘅處女膜都唔一樣，有啲人甚至冇處女膜，就算係最有經驗嘅婦科醫生，都冇辦法睇住一個人嘅處女膜，去判斷佢有冇過性經驗，因為處女膜根本唔會穿，性行為只會令處女膜更有彈性，所以唔好單憑第一次做愛處女膜有冇穿導致流血，去斷定對方係咪第一次進行性行為。Rose再解釋，當有異物進入陰道時，處女膜會因為受到擠壓或拉扯，而產生疼痛感，但即使處女膜受損，都會好快癒合，所以並唔存在處女膜穿咗就一世呢個說法。因為目前已經有多項研究證實，處女膜癒合嘅速度非常之快，大概幾日就冇事，最多都唔超過一個星期，而且仲不留痕跡，唔會察覺處女膜受損過。

而點解有啲人會話，年紀大咗就睇唔到自己嘅處女膜？咁同啪啪啪都冇關係，Rose解釋，呢個情況係同荷爾蒙有關，當超過25歲之後，處女膜就會慢慢萎縮，直到幾乎見唔到。

所以巴打們唔好再用有冇處女膜去判斷對方係唔係處女，同處男一樣，信就信，唔信就唔信，冇樣都冇膜睇架。