{ SKIP }
文:MenClub Mean娜  圖:互聯網
POSTED ON 10 Oct 2017

網上周不時都會出現一啲比較圖,要大家揀左邊嘅「微胖女」定係右邊嘅「骨感女」,呢個時候識揀嘅,實係揀Why not both?但最近Twitter瘋傳嘅最新比較圖,睇怕大家要改一改答案做Why not all喇!

日本繪師+15就畫出4種不同類型嘅女性身材,睇下大家鍾意邊款,結果網民都非常投入參與投票,唔知香港嘅巴打們又最Buy邊種身材呢?
X型(少許肉感型)
身材有曲線線條美,但同時身體有一定厚度,上半身尤其嚴重;鎖骨唔太明顯,不過肌膚就充滿彈性;頸比較短,手腳亦比較細;容易有肌肉,不過一肥就會好似蘋果嘅線條;腰嘅位置偏高,同時腰都會比較闊。
適合穿著簡約風格嘅服裝,例如西裝外套或者裇衫。
I型(瘦長型)
身材傾向冇咩曲線嘅長方形,身體較扁骨骼睇落亦比較大,鎖骨亦相當明顯;皮膚比較厚,筋亦比較粗,相對於相同身高嘅人手腳都偏大偏長;由於骨骼、關節都好明顯,所以一變肥就會睇落好大隻;腰嘅位置偏高,屁股較為扁長。
適合隨意嘅風格,例如麻質裇衫或者闊腳褲。
A型(下半身肥胖型)
上半身比較扁平,由於骨骼比較細,鎖骨亦相對冇咁明顯,不過下半身睇落就比較大;皮膚柔軟有彈性,頸亦比較細長,唔容易有肌肉,但容易肥喺下半身;一變肥就會就變成梨形身材;胸、腰位置偏低。
適合可愛風格,例如荷葉邊或者圓領上衣。

O型(肉肉型)
全身線條相對圓潤,不過鎖骨依然明顯;皮膚充滿彈性,頸周圍都比較清瘦,手腳亦偏小,不過容易有肌肉,腰部周圍雖然多肉,但都有腰身,屁股亦相當有份量。
適合露出前胸、腳腕及手腕嘅穿著。

目前睇返Twitter個Post,有28%揀X型;35%揀I型;22%揀A型;15%揀O,你哋又會點揀先?
「真愛伴侶」會令你覺得自己好好;「控制狂」會令你覺得好有罪惡感
gags
插圖話你知 何謂「真愛」何謂「控制」
20 Oct 2017
莫講話女人,可能連男士們自己都解釋唔到,有時又唔係痕,又唔係角度唔啱,點解都仲係要伸手入褲RR隻雞雞佢呢?
gags
解開謎題︰點解男人得閒無事就R丁丁?
20 Oct 2017