{ SKIP }
文:MenClub Mean娜  圖:互聯網
POSTED ON 11 Oct 2017

係男人都希望要個樣靚身材正嘅女朋友,正常嘅,人天生就鍾意美麗嘅事物,之但係波大腰幼筷子腳再加個天使面孔,係咪就真係男人嘅「理想女朋友」?如果係,點解有時又聽到啲男人呻自己條女得個樣,冇腦又港女?如果係,點解呢個世界又有人願意娶啲相貌平平甚至醜醜哋嘅女人做老婆?講到尾,陪足你一世嘅,得外在美係唔夠,仲要有內在美。外國男性網站AskMen就選出「理想女友特質 Top10」,細數男人真正想要嘅,係點嘅女人。

TOP 10獨立
好多女人一拍拖就好似將自己嘅人生依附住男友咁,無時無刻都想對方陪住自己,又奪命追魂call又乜乜77,唔單只好似冇咗自己人生,仲霸佔埋男友嘅人生,令對方厭煩不特止,仲會覺得好大壓力冇晒自己空間咁。其實每個人都需要有點點屬於自己嘅生活,懂得享受自己人生嘅女人,先更值得男人欣賞。

TOP 9聰明
外在只可以吸引人,內在先可以留住人。如果一個靚女單有美貌但冇腦,除非只係想同佢玩玩下,得閒啪啪啪就算,如果唔係,對多陣都會覺得浪費自己時間,因為同對方根本無法溝通,講嘅都係膚淺話題,傾幾句就完。只有有腦嘅女人,先可以滔滔不絕同對方講未來、講時事、講興趣、講價值觀……講乜都唔會無聊,重點係同對方對話,唔會拉低你智商之餘仲可以令你學到更多。

TOP 8床事配合
愛呢樣嘢其實並無神聖到可以只靠神交,肉體上嘅契合都非常重要。如果兩人嘅性愛口味相當唔同,又唔互相配合,就算心靈再吻合,都難補身體嘅寂寞,只可以滿足單一條件嘅女朋友,已經唔算係理想女朋友。

TOP 7 有吸引力
呢種吸引力唔一定係性感。每個人嘅喜好都唔同,有人鍾意可愛型,有人鍾意知性美,有人鍾意女人味,但只要對方中自己口味,吸引到自己,就已經係最有魅力嘅女朋友。

TOP 6 尊重男友
每個人都係獨立個體,就算更親,都仲係兩個人。女人要男友尊重自己同時,都要識尊重男朋友,可以講笑,但唔可以過火落男朋友面;可以叫男友幫你,但唔可以當人阿四老奉去幫你。識得尊重及愛錫自己男友,男友先會更加疼錫女友。

TOP 5 畀對方自由
男人要嘅係女朋友,而唔係要多個媽媽,唔好成日覺得自己為對方好,所以先管佢呢樣嗰樣,捉得愈緊,只會走得愈快,要記住,女朋友可以畀意見男友,選擇權始終喺對方手上,而唔係夾硬去控制男友。

TOP 4 唔嘮叨
就算係女人都會怕人「哦」自己,更何況係更怕煩嘅男人?就算你幾關心對方都好,一句起兩句止就夠,唔需要好似阿媽咁係咁講係咁講,男朋友其實心裡都自有分寸,女朋友愈講佢只會愈唔想做。

TOP 3 同男友身邊嘅人好好相處
其實做磨心好辛苦,好多男人都覺得,女友係一時,家人同兄分係一世,就算女友真係唔喜歡男友嘅家人朋友,起碼出到去都要識做唔好畀面色人,要男友難做。

TOP 2 包容
好多女人拍拖前已經見到男友嘅缺點,希望拍拖後自己可以改變對方,其實係相當傻嘅想法,一來人並唔係咁容易可以改變,二來如果你真正愛佢,明知佢有某啲缺點,都會願意去包容佢。如果個缺點影響太大,接受唔到, 一早就唔應該中個頭埋去要起埋一齊。

TOP 1 成為男人嘅動力
生活已經夠挫人,而一個理想嘅女友並唔係要重複話你知,你人工有幾低,你個人有幾無用,而係會喺你身邊鼓勵你,支持你,令你可以為愛人變成更好嘅人,努力去為對方打拼。

世界上最遙遠的距離,可能就係相愛卻不能相見嘅異地戀!最近淘寶就出現一款「異地戀接吻神器」,即使此天各一方,亦能夠感受對方嘴唇觸感,幫助情侶維持感情熱度。 據中國傳媒報導,近期淘寶出現一款 ...
gags
【奇趣】Long D救星?淘寶驚見「異地戀接吻神器」
21 Feb 2023
唔少人都鍾意喺夏天曬下太陽,換得一身古銅色肌膚,同時促進身體產生更多維他命D,有益健康。不過,最近TikTok就流行一種另類日光浴「曬會陰」(Perineum Sunning),顧名思義即係對住個太陽腿張開,聲稱能夠改善睡 ...
gags
【趣聞】TikTok瘋傳「曬會陰」運動 聲稱能改善睡眠增強性慾
06 Oct 2022