{ SKIP }
文:MenClub Mean娜  圖:互聯網
POSTED ON 18 Oct 2017
通常拍拖拍咗一段日子,條女都會嫌你︰「唔似以前咁!」、「冇晒情趣!」乜乜77,之但係個個男人都係追女時特別落力,攪盡腦汁,到追到之後,喂~唔係唔想畀情趣你,只不過啲貨喺追你時一早用晒,再翻兜舊橋又畀人話Hea,咁作為男朋友都好難做啫!之但係咁,其實氹女友唔一定下下搞場大龍鳳嘅,只要懶有心咁做下啲小動作,畀條女Feel到「你有心去為佢做啲嘢」,其實佢都已經會好冧豬(不適用於極級港女)。外國網站elitedaily就教路,有啲咩簡單又多女Buy嘅氹女友方法,巴打們仲唔快啲記低佢?

觀察佢需要咩嘢
有時唔一定送好貴嘅禮物,多啲留意女友需要啲咩,想要啲咩,又或者想食啲咩,對方就會覺得你好貼心,時時刻刻都留意佢,關心佢,自然小小事都會覺得好Sweet。

多啲同對方傾偈
男仔只有喺曖昧期時最多嘢講,之後問佢︰「今日點呀?有咩事發生呀?」,來來去去都係答句︰「咪又係咁。」雖然可能日日都過得大同小異,但女仔好大機會會覺得你咁答佢係敷9衍,話晒大同小異,都仲叫有小異丫,日日點都有啲唔一樣嘅事發生掛?其實唔需要多,每日10分鐘同女友傾下偈,大事又好小事又好,女友在乎嘅係你有冇野同佢分享,從而了解你更多啫。

喺對方會發現嘅地方留低小字條
有時拍拖拍得耐,就會好似老夫老妻咁,未必咁有閒情逸致郁啲就氹對方,講下甜言蜜語;又或者同對方鬧交,想同對方打破僵局又唔知點開口時,都可以用到小字條。只要寫低你想講嘅說話,將小字條放喺平時對方一定會見到嘅地方,令對方無意間睇到咁Warm嘅字條時,實會當堂Sweet到一個點。

喺屋企分出空間畀佢
兩個人一齊耐咗,有機會多咗去對方屋企過夜,如果你可以為女友喺你住所度分出空間畀佢,比如佢嘅「化妝空間」、「私人物品空間」等等,女友會覺得好安心好有歸屬感。

著性感底褲
可能你嘅身材一啲都唔性感,但如果你願意為女友花多啲心思,著下性感底褲氹佢開心,成件事一樣可以好有情趣。


寄明信片畀佢
有時自己出Trip或者同朋友去旅行,不妨寄張當地嘅明信片畀女朋友,會令對方有種「就算我唔喺你身邊,你都會記掛住我」嘅感覺。

不過大前提又係,首先你要有個女朋友囉……

世界上最遙遠的距離,可能就係相愛卻不能相見嘅異地戀!最近淘寶就出現一款「異地戀接吻神器」,即使此天各一方,亦能夠感受對方嘴唇觸感,幫助情侶維持感情熱度。 據中國傳媒報導,近期淘寶出現一款 ...
gags
【奇趣】Long D救星?淘寶驚見「異地戀接吻神器」
21 Feb 2023
唔少人都鍾意喺夏天曬下太陽,換得一身古銅色肌膚,同時促進身體產生更多維他命D,有益健康。不過,最近TikTok就流行一種另類日光浴「曬會陰」(Perineum Sunning),顧名思義即係對住個太陽腿張開,聲稱能夠改善睡 ...
gags
【趣聞】TikTok瘋傳「曬會陰」運動 聲稱能改善睡眠增強性慾
06 Oct 2022