{ SKIP }
文:MenClub Mean娜  圖:互聯網
POSTED ON 04 Jan 2018

人生總有高低起伏,開心時會想同人分享,唔開心時會想同人訴苦,都係人之常情。不過唔係人人嘅煩惱都出自真心,有啲人偏偏鍾意扮晒唔開心咁兜個圈去曬命,引人讚佢捧佢羨慕佢。聽落好似好變態咁,但實情唔少人都會咁做。喺日本仲有「自虐風自慢」呢個term,大約意思係拎自己嘅煩惱嚟曬命,最普遍例子就係啲瘦到成條柴嘅女女話自己肥,引人讚佢又瘦又靚之類。不過除咗呢種典型例子,其實仲有唔少case可以畀大家參考,睇下你又有冇唔小心做咗乞人憎嘅做作鬼。

成日抱怨自己生得唔夠靚/身材唔夠好嘅人
就好似頭先所講嘅例子咁,最典型嘅「自虐風自慢」就係明明係靚仔靚女,身材又好好,硬係要post啲靚相再加句我條腰好粗/我腹肌操得唔夠之類說話。


成日抱怨揸靚車乜費物費都好貴嘅人
成日話揸靚車呢樣貴嗰樣貴,加裝費又貴,油錢又貴點點點,其實都係想曬自己架靚車咋嘛。


成日一分手就要生要死嘅人
有啲人一分手就要生要死,好似世界末日咁,要全世界安慰佢陪住佢,但轉個頭好快又有新對象,即刻生猛返晒,連舊菜叫咩名都唔記得。呢個時候,就覺得當時咁關心佢嘅自己成個白痴咁。


成日抱怨自己太受歡迎
有啲人成日係咁呻畀人追好煩,阿邊個邊個成日約自己好討厭咁,其實佢不知幾樂在其中,只不過想暗示畀人知自己幾受人歡迎。


成日抱怨另一半嘅人
係咁怨自己另一半點衰點衰點麻煩,咁都算,但偏偏就係要搵冇對象嘅人訴苦,令冇拖拍嘅人非常無奈。

世界上最遙遠的距離,可能就係相愛卻不能相見嘅異地戀!最近淘寶就出現一款「異地戀接吻神器」,即使此天各一方,亦能夠感受對方嘴唇觸感,幫助情侶維持感情熱度。 據中國傳媒報導,近期淘寶出現一款 ...
gags
【奇趣】Long D救星?淘寶驚見「異地戀接吻神器」
21 Feb 2023
唔少人都鍾意喺夏天曬下太陽,換得一身古銅色肌膚,同時促進身體產生更多維他命D,有益健康。不過,最近TikTok就流行一種另類日光浴「曬會陰」(Perineum Sunning),顧名思義即係對住個太陽腿張開,聲稱能夠改善睡 ...
gags
【趣聞】TikTok瘋傳「曬會陰」運動 聲稱能改善睡眠增強性慾
06 Oct 2022