{ SKIP }
文:MenClub Mean娜  圖:互聯網
POSTED ON 05 Mar 2018

雖然家下只係3月,但望住熱一熱嘅太陽兼一街短袖衫,彷彿已經感受到夏天嘅來臨,即係又到咗胳肋底出汗嘅時節。其實唔少男士都會注意體味問題,比如夏天知道自己大汗,胳肋底可能有臭味,就會噴止汗劑等等,舉高手時都冇咁尷尬飄出陣陣體臭。不過其實除咗胳肋底之外,仲有其他身體部位容易有臭味,你哋又有冇留意先?


其實異味嘅產生主要來自汗水、食物同油脂,唔好以為淨係瞓醒先會有口臭,其實食完刺激性食物後嘅口氣,比瞓醒後陣口臭味更加難頂,如果唔想臭親人,最好就食完嘢後噴一噴口腔清新劑,又或者食粒香口膠,咁樣近距離同人講嘢都唔使怕。

另外其實唔洗頭唔只搞到頭髮油膩,頭油都會發出異味,如果真係要喺冇洗頭嘅情況下見人,就噴一噴Dry shampoo,令頭髮乾爽啲之餘又可以辟咗陣頭油味。

腳臭就應該唔多唔少人人都有啲,特別係著鞋著成日,焗住隻腳,想完全冇味都好難。不過原來腳臭唔臭,同你著咩鞋咩襪都有關,試下換啲透氣度高啲嘅鞋,再搭對棉襪、羊毛襪,又或者五趾襪,就會有助改善腳臭情況。

「遮紋身噴漆」唔單止可以完美遮蓋紋物,仲要大力擦都擦唔甩,可以Keep成3日都冇問題!
gags
擦都擦唔甩 日本發明完美遮紋身噴漆
07 Sep 2018
「兔耳護士史庫水」(ウサミミナーススク水)以護士服上衣+學校泳衣+護士帽+兔耳+兔尾巴5個組合為一套,非常可愛!
gags
萌度爆燈!VILLAGE VANGUARD開賣「兔耳護士史庫水」
06 Sep 2018