美國嘅馬里蘭大學神經學家普羅文（Robert Provine）就話，「因情緒而流淚的意識控制很薄弱，大多數人無法收放自如；就像臉紅一樣，我們身體不存在相應『開關』，無法從流淚模式一下子切回來。」

咁即係我哋冇辦法控制眼淚？有啲人就有偏方，話眼淚就快流落嚟時，只要抬高個頭，等啲眼淚倒流就冇問題。

不過呢個辦法嘅成功率大概只有50%，而且抬到個頭咁高，你估人哋會睇唔出你忍緊眼淚咩？所以其實呢個方法笨唔太Work。因此又有人話，利用其他部位嘅痛楚轉移注意力，例如偷偷捏自己大脾、捏自己虎口咁話喎。（不過個人覺得，如果唔小心捏得太大力，反而真係會痛到喊吧？）

咁有咩方法可以成功地控制到眼淚呢？

荷蘭蒂爾堡大學心理學教授芬格胡茲（Ad Vingerhoets）提出一個不必捱痛，又可以忍住眼淚嘅小方法：透過增加肌肉控制，限制原先快要哭泣的情緒反應。

即係點？芬格胡茲表示：「哭泣是種特殊的被動反應，源自你的無助感，而最有效抵禦無助感的方法，就是它的相反——控制感。」即係話，下次當你覺得就快要流眼淚時，只要使勁控制身體某段肌肉就得喇！

例如括約肌