成日聽人話，瞓覺時嘅反應代表你潛意識諗法，例如發咩夢、用咩姿勢瞓覺，都可以略知一二你嘅內心。而愛情中，好多時情侶間嘅關係狀態非常模糊，好難分辨而家同對方係去到咩地步，不妨透過以下9種情侶睡姿，去窺視下你同伴侶之間嘅感情有幾sweet sweet？

1.男人攬住女人，女人頭靠住男人胸膛瞓
女人將頭靠喺男人肩膀或者心口上，代表男人好溫柔貼心，令女人感到放心、舒適。

2.男人背向女人，女人攬住男人瞓覺

女生抓著男生唔放，但係男生好多時會感到窒息，需要自己私人空間，代表兩人感情開始有點生變。

3.女人靠在男人手臂上瞓

呢種睡姿係女生將頭靠喺男生手上，代表十分依賴、需要對方。另一方面，呢種睡姿都說明男生掌管戀愛主導權。

4.兩人背對背貼住瞓

呢種睡姿表示情侶徹底脫離熱戀期，彼此都需要空間，甚至感覺唔到對方嘅存在，親熱次數都開始減少。

5.鬆散舒適睡姿

會出現呢種睡姿可能有兩種情況，一種係兩人剛認識仲未好熟；一種係兩人已經脫離熱戀期，所以各自選擇自己舒適的睡姿。

6.兩人瞓到遠一遠

呢隻就係所謂嘅「雙人床中間隔著一片海」，彼此感情已經變質，就算瞓埋一齊都無法感到依靠、放鬆，典型分手前兆。

7.蜜月擁抱睡姿

通常蜜月期會出現的睡姿，代表雙方很依賴彼此。

8.雙腿交錯睡姿

兩人越來越熟悉，就算侵入對方領域，彼此也不會生氣。

9.男人攬住女人入睡

通常結婚3至5年的夫妻最容易出現呢種睡姿。精神學家Samuel Dunkell分析，當女人身體靠在男生身上時，內心會產生一種安全感、依賴感，認為呢個係一種「舒適的束縛」。