有人話溝女最緊要靚仔、高大、有錢，但咁你就未免太睇少啲女仔，因為人家都係懂得與時並進嘅生物黎，今時今日「高富帥」就已經唔夠用架啦！

點解我會知？因為我又有喺Youtube睇片囉！

話說「Model Pranksters」就拍咗一段「整蠱片」。一開始就見到個又高大又靚仔嘅男Model與一名坐喺路邊嘅女子搭訕。

話佢靚佢就答單字－－不過呢個已經係有「靚仔加成」嘅結果，如果唔係就已經報咗警話你性搔擾啦！

問佢拎電話？「我諗我男朋友唔會鍾意喎！」

然後就換件衫、用明星排頭出場！

個女仔即刻就「嗡」上黎話要自拍！

「你可唔可以錫我面豬一啖？」

仲自己擰個咀埋黎添！

「不如你黎我酒店房、我哋慢慢傾下計？」「Definitely！」

「但你有冇男朋友？」「冇！」

好似好假呀可？其實係架！但作為一個男，睇到啲咁嘅片，就算明知係假都好爽咁囉！