好多男士都喜歡好女仔嘅女仔，意思即係好溫柔、好可愛、好斯文、好有女人味等等，總之包含好多女孩子特徵。而冇呢啲特徵嘅，好多時就淪為你哋口中的「男人婆」。

日本就流行緊一個詞——「オヤジ女子」意即（大叔系女子），指擁有女性外表，但行為舉止十足大叔嘅女性。

1.好少濃妝豔抹
大叔系女子通常都好懶得化妝，唔想花咁多時間塗塗抹抹，頂多化個淡妝就夠。

2.買嘢講求實用性
大叔系女子買嘢只講求實用性，而且買之前可能會走幾間去比較貨品，甚至會同老闆討價還價。嗰啲只係得個樣嘅可愛小物，大叔系女子係唔會落嗒的。

3.鍾意飲酒
就算冇人約，大叔系女子都會自己去酒吧飲返杯，紓解壓力。有時周末夜晚，自己一個人準備啤酒、零食，冇人陪就咁喪隊自己都覺得好爽皮。

4.開得起玩笑
大叔系女子係大家眼中的開心果，佢哋百無禁忌，就算講咸濕笑話都冇問題。不過如果真係太過份的玩笑，佢哋都會叫人收聲，個性直腸直肚。

5.不拘小節
大叔系女子唔會好似其他女仔咁做作，好多時都做自己，覺得舒服就夠，有時可能素顏T恤涼鞋就去返工。

6.脾氣都似大叔
女孩子之間勾心鬥角的機心，大叔系女子一早就睇穿晒，唔會同呢啲女仔一般見識，反而做人好爽朗。不過必要時，都會向晚輩提供一點人生建議。