就係呢張

另一邊廂，Followers人數達到99萬、白衫藍褲左攻右嘅美國化表Tony Toutouni唔知係唔抵得，定真係睇唔過眼佢咁樣對自己老婆，於是就喺自己個Instagram上載咗呢張用狗帶拖住三個比堅尼女郎上自己架私人飛機嘅相，仲寫到明「當有些來自90年代、穿起Versace就以為自己是Willy Wonka(電影《朱古力獎門人》中Johnny Depp飾演的角色)的人用狗帶拖住自己老婆來貶低女性，我發現有些來自澳洲的蕩婦更加適合穿起狗帶。」

淺白啲，就即係美國「新丹爺」決定放一張用狗帶拖住幾條女嘅相，黎證明澳洲「新丹爺」之前用狗帶拖住自己老婆嘅相係侮辱！嘩邏輯呢家嘢我真係識條鐵！

作為一個網上紅人，「澳洲新丹爺」Travers當然就唔會忍氣吞聲，於是即日就上載咗另一張相作出回應。只見相中有Travers同佢老婆Taesha，而Taesha就手拖住四個企喺Travers身邊嘅比堅尼女郎。文字就係講「Christian Grey(《格西的五十道陰影》的主角)是假的，但我Travers Beynon是真的。當我把狗帶栓在女人身上，她們是性感的，但你令女人感到被貶低，所以在你的照片中看不到她們的樣子。而你對於澳洲女性的說法其實更適合用於你自己身上。我不會為了個毫無格調的人而自降身價。」

又淺白啲，就係澳洲「新丹爺」用自己老婆拎狗帶拖住幾條女嘅相黎證明佢之前用狗帶拖住自己老婆其實唔係侮辱緊自己老婆……你明唔明我講緊咩？因為我自己就唔係好明……