冇錯，將我哋細個最鐘意睇嘅卡通入面嘅敵人畫成女體，再做埋言情小說封面，仲搭埋《壞壞總裁愛爆氣》、《總裁公子欠調教》、《總裁一家逼我嫁》呢三個石破天驚嘅名堂，就算以文青夠膽喺光天化日眾目睽睽睇AV(唔係你哋睇啲文喺邊黎)嘅道行都唔係好頂得順，睇黎要搵Mean娜出馬先得。

但睇黎啲台灣讀者就唔係咁諗！事關頭三本書出咗之後大受歡迎，搞到呀「南方小表妹」要特登寫多本前傳《報復總裁大作戰》同埋外傳《老外施主偷吻我》出黎！而且仲秉承正傳嘅優良傳統，繼續用《龍珠》人物做封面！