{ SKIP }
文:MenClub Mean娜  圖:互聯網
POSTED ON 06 Aug 2015

日本成日都會推出色色的手機遊戲,例如「XX野球拳」(即係猜包剪鎚,輸咗除衫)、「XX美女拼圖」、「XX麻雀館」……總之就係以正常的遊戲方法,達到見到美女除衫的目標!雖然係好毒,但吹咩,真係多人玩喎!不過,你以為次次都咁著數,玩到最尾就見真將?少年你真的太年輕了,日本SEEC公司推出嘅拘束少女手機遊戲,就勁冇良心!

根據SEEC公司嘅官方說法,拘束少女係一隻育成x觸控x溝通嘅遊戲,透過觸控打開少女身上嘅鎖,將佢救出後就會發生「Event」。



所謂觸控開鎖,就係不斷點點點點點點點,每點一下數字就會-1,睇吓呢度啲鎖嘅數字全部都過千,加加埋埋成幾萬都似,一個個係咁點,真係點到手都斷,但為了睇到美少女最後的結局,當然要頂硬上啦!


Fine!!當你點完大半日,解開哂所有鎖,一心以為會有個美好Ending等緊你吧??蝦!一早話你知呢個遊戲冇良心,點冇良心法?翻譯下圖嘅日文你就知啦!

「謝謝你救了我!啊,已經這麼晚了......他還在等我所以就先走囉~在哪裡再遇到的話再好好感謝你唷~」

係呀!條八婆就咁走咗去喇!冇嘢睇架!!



你以為得呢隻遊戲咁賤格?好,玩埋同公司出嘅另一個遊戲——拘束巫女!


今次玩家繼續點點點點點,最後點埋眼罩,你估可愛的巫女大人講啲咩?

「雖然很感謝你,不過那個......你的長相,跟聲音有點搭不起來呢,所以就是,那個......不要太在意囉,我先告辭了。(微笑)」

所謂你的樣子如何,你的命運也必如何!!連遊戲中嘅虛假角色都嫌你醜,呢間遊戲公司應該唔想撈吧???


世界上最遙遠的距離,可能就係相愛卻不能相見嘅異地戀!最近淘寶就出現一款「異地戀接吻神器」,即使此天各一方,亦能夠感受對方嘴唇觸感,幫助情侶維持感情熱度。 據中國傳媒報導,近期淘寶出現一款 ...
gags
【奇趣】Long D救星?淘寶驚見「異地戀接吻神器」
21 Feb 2023
唔少人都鍾意喺夏天曬下太陽,換得一身古銅色肌膚,同時促進身體產生更多維他命D,有益健康。不過,最近TikTok就流行一種另類日光浴「曬會陰」(Perineum Sunning),顧名思義即係對住個太陽腿張開,聲稱能夠改善睡 ...
gags
【趣聞】TikTok瘋傳「曬會陰」運動 聲稱能改善睡眠增強性慾
06 Oct 2022