細細個年少氣盛，講嘢都直腸直肚啲，成人都同人講︰「我個人講嘢係咁直架喇！」都係架！細個冇咩嘢驚，大不了咪同Friend鬧交囉！大不了咪絕交囉！Fine！本大少係咁架喇！係嘅大少，年輕時你都仲可以咁任性，想講乜就講乜。但有冇發覺，人大咗，步入社會之後，好多事都多咗份責任，一言一行都要承擔後果，起碼作為一個打工仔，應該冇咩人夠膽講真話去得罪腦細同客仔。呢個時候，你就只能夠講大話去蒙混過關，唔只你一個係咁，全世界嘅上班族都係咁。

最近有日本網站做咗個調查，整理出10個「上班族最常講嘅小謊言」，睇吓你係咪全部中槍？

第10名：「電車延誤咗，所以遲到」
→其實係瞓過龍唔知醒。

第9名：「呢期好窮冇錢呀……」
→其實有錢，只係唔想同對方食飯。

第8名：「知道～」
→其實跟本唔知道，一陣上網查返咪算數。

第7名：「冇留意到Email……」
→其實明明就有發現，只係懶得去處理扮睇唔到

第6名：「檢討中、進行中」
→其實唔記得咗件事，所以扮仲做緊，之後先急急腳去完成返。

第5名：「已經有Schedule喇……」
→其實跟本得閒冇嘢做，只係唔想應對方約。

第4名：「頭先唔方便聽電話。」
→其實明明就可以聽電話，只係唔想聽對方電話。

第3名：「身體有啲唔舒服」
→其實只係瞓過龍，或者想偷懶放吓假。

第2名：「好可愛喎！」
→其實覺得一啲都唔可愛。

第1名：「去到嘅話實會去」
→你懂的，其實你根本唔想去都唔會去……