指揮駕駛者應該點
做每個人都有自己嘅開車習慣同節奏，唔同嘅車喺唔同人手中開都唔一樣，唔好成日以自己所認知嘅事物去使喚他人，只要唔係危險駕駛，都應該尊重其他人嘅想法。

閂車門時超大力

咁樣唔單只會令駕駛者覺得呢位乘客冇禮貌，唔錫自己架愛車，仲好容易嚇親車上嘅人。

一上就瞓到死豬咁
雖然乘客冇義務要陪你一齊清醒睇住路面情況，但將心比心，如果駕駛者見到車上嘅人都瞓得好熟，得自己一個要捱眼瞓，獨自面對塞車時光，咁都幾可憐。

沿路一直玩手提

呢個行為就同一上車就瞓一樣，當人哋好辛苦咁揸車時，乘客仲要喺度玩，重點係玩玩吓冇啦啦大嗌，真係會嚇到人個心都離一離。

鍾意開車窗
雖然直接打開窗吹自然風係好舒服，但如果外面有工程、有噪音、好大塵，咁真係唔該閂窗啦。