[要不是] 大陸翻譯組侵權 H漫家怒畫習總變痴漢

文：MenClub 魏文青　　
POSTED ON 11 Jan 2016

咩都唔好講，戴返個頸盔先。縱然文青都有買單行本嘅習慣，但每個星期都係會追網上翻譯組所翻譯嘅日漫。呢個習慣相信好多人都應該有，同時大家應該都知其實算係違法行為。不過日本同人．H漫畫家「へち・真田カナ」早前就喺個人網站上表示曾經向大陸網民提出停止侵權行為，結果就得到「我這麼有心翻譯你的作品，應該感謝我吧！」的言論，結果佢一怒之下，就決定以作品報復！
圖片：へち・真田カナ on pixvi
其實呢個提議就係由日本Twitter網友提出、「畫出中國人不能上傳到網絡的作品」。於是「へち・真田カナ」首先就畫出上面呢張《艦隊收藏》的「鈴谷」圖。條女你唔識唔緊要，佢側邊啲字你識就得啦！「尖閣諸島(即釣魚台)」、天安門、革命，通通都係對於中共政府黎講非常敏感嘅字眼！就算譯咗放上網都係會被和諧，睇你仲點譯！
圖片：蘋果日報
而近期佢又有新搞作，就係將漫畫入嘅痴漢角色畫成毛澤東、習近平等中國(前)領導人，對女主角做出各種污穢之事。適逢近日李波「被失蹤」，有網民就問漫畫中嘅女角係咪叫「香港」，又話日本人要小心唔好「被失蹤」埋一份喎。