外國就有網站同大家分析，肥仔嘅人生其實冇大家想像中咁悲哀，分分鐘比好多人幸福得多！

首先，耶魯大學人類學教授Richard Bribiescase就指出，多數有大肚腩嘅男士睪丸素都較低，睪丸素低又如何？就係可以令抵抗力強啲，壽命又長啲。另外Richard又話，好多有肚腩嘅男士為求舒服，都會買腰圍闊啲嘅褲，由於唔會下下箍實袋袋，對精子而言都有較好嘅生存環境，增加精子活性。

另外從外型方面嚟講，雖然而家好多女女都鍾意美形嘅男人，但真係搵另一半，確實有肉地點都有安全感過冇肉地，試問如果條仔對腳仲幼過條女嘅手臂，似係邊個保護邊個多啲呢？同埋聽過唔少女女講，搓住男朋友軟綿綿嘅大肚腩，別有一番幸福感覺。

所以肥肥嘅男士們，唔好再自卑，有瘦仔笑你，一句「我啲精蟲勁L過你呀！」，就可以一嘢收佢哋皮！