雖然家下人人都呻難搵工，但勞動業依然都係缺乏人手，特別係新一代年輕人，愈來愈抗拒勞動業工作，為咗吸納多啲人才，東大阪市株式会社オーミヤ就請來日本人氣Coser肉球あやと，拍攝以「新入社員成長記錄」為主題嘅2017月曆，希望靠可愛嘅女女，吸引多啲後生仔加入製造業，並一改製造業畀人「辛苦、污糟、危險」嘅印象。

由著校服見工開始，一直見到肉球あやと加入株式会社オーミヤ後嘅一點一滴，張張相都影得非常可愛，太年輕嘅少年分分鐘真係咁傻豬，以為工廠入面都係呢啲女同事，而不假思索咁入職添呀。