今時今日資訊發達，無知已經係一種罪！自拍唔係問題，但都要睇場合，柏林大屠殺紀念碑係紀念被殺害嘅600萬猶太人，3000座石碑上都刻有已知受害者嘅名稱，所以每一座石碑都代表住有血有淚嘅慘痛歷史。德國藝術家Shahak Shapira就睇唔過眼，於是將部份喺柏林大屠殺紀念碑開心自拍嘅人改圖，將呢班人key喺當年集中營慘況同猶太人被害嘅相片入面，變成「Yolocaust」系列圖輯，希望提醒遊客要記得呢個地方嘅真正意義。我知道嗰度構圖係靚嘅，但大家影相時都要尊重下場合，尊重自己，咁樣影相真係同懷念爺爺一樣咁柒啊。

Yolocaust