成日都話科技令人類愈來愈進步，但同時令人類關係愈來愈疏離。對於日日拎住部電話睇Whatsapp睇Facebook同朋友吹水嘅我地而言，未必覺得呢句說話正確，心諗︰下？我同朋友Whatsapp傾偈咪一樣好地地！但當你哋難得約出黎食飯，成餐飯真係冇人會拎部電話出嚟？成餐飯真係可以咁全程投入同朋友面對面交流？

攝影師Eric Pickersgill有次就喺Cafe見到鄰座嘅一家四口，爸爸同兩個女女都掛住玩電話，結果冷落咗媽媽，於是媽媽只好落寞咁望出窗外，雖然佢哋坐埋一枱，但彼此就0交流。於是Eric Pickersgill就決定創作《Removed》呢系列攝影作品，要求拍攝對象好似平時咁玩電話，之後佢會拎走電話，要拍攝對象維持原本甫士，睇下佢哋專注望手提嘅眼神背後，忽略咗身邊幾多事物。