切忌嬉皮笑臉
可能你會因為難為情、怕尷尬而嬉皮笑臉咁道歉，但咁做好大機會令對方覺得你唔認真、玩玩下，仲好唔尊重。就算你嘅顧面子都好，道歉時都應該要嚴肅認真，先唔會令人誤會。

切忌心急
對方嬲9咗你自然會想急住同佢say sorry，但一味喪講「對唔住」而冇其他表示，會令人覺得你只係用「對唔住」嚟過骨，太過敷衍。道歉時不妨用多啲肢體動作，拉長句子咁講，比如緊緊地握實對方嘅手話︰「真係好對唔住，你可唔可以原諒我？」聽落會畀齋講「對唔住」有誠意得多。

切忌過多解釋
就算你真係有充分理由，但對方嬲緊時你下下都話︰「唔關我事」、「但係」、「都係xxx唔好」等等，就會令人覺得你所有合理解釋都變晒做藉口。如果係想澄清返事實真相，最好等對方下咗啖氣，再慢慢解釋佢知。

切忌「公式化」
有時候道歉都需要行動力，太官腔咁用文字或口頭講對唔住，對方可能覺得唔夠誠意，如果有需要，不妨做多啲補救行動，甚至親自踩上門去道歉，感覺會更有誠意。