{ SKIP }
文:MenClub 魏文青  
POSTED ON 11 May 2017
一個女星只要肯性感,就算個樣係歪瓜裂棗都一樣可以引人注目,而如果你性感到當地政府明文規定唔畀你拍戲一年,咁就足以令你成為國際新聞嘅材料——而來自柬埔寨嘅性感女星Denny Kwan(關黛妮)就成功做到呢樣嘢啦!


根據《柬埔寨日報》嘅報導,今年24歲、喺Facebook擁有30萬Followers嘅Denny Kwan係柬埔寨國內多位性感女星之一,而有關禁令就係由當地「文化及藝術部」發出,原因係佢違反當地政府於2010年頒布嘅「行為守則」而被禁止於任何電影中出現,亦係「守則」頒報以黎第一位被處分嘅演藝人員。而根據文化及藝術部長嘅說法,佢哋於上年已經邀請過Denny接受當局「教育」,並表示會遵照守則,但就繼續性感,於是唯有發布禁令。而事主Denny本人就指自己都係喺網上睇到先知自己被禁,雖然唔明白點解有咁多性感藝人,有啲演出尺度比佢仲要犀利,但就偏偏要對佢發出禁令,但都會遵照禁令。


作為旁觀者嘅我哋就當然係當花生食,但對於當地人權黎講,呢次禁令都可謂影響深遠。首先係個「行為守則」本身寫得頗為含糊,只係話「保護國定藝術、文化、傳統」、「防止任何對國家藝術、傳統的不良影響」,但就冇明文規定點先算「不良」。再深究落去就更加係人權同性別平等嘅問題。你又覺得呢個Denny Kwan係咪性感到要被禁?我個人嘅睇法係:如果佢冇畀人禁,我就唔會喺深夜系列提到佢囉!






討論區有人大爆ig一大堆ptgf名單,全城瘋狂,人人自危,有人說搵食啫犯法呀,呢個世界有雞先定有雞蟲先,真係上帝都未必知,有供就有求,何況冇雞蟲又邊得嚟咁多雞? ...
girls
王貽興 -ptgf
28 May 2017
影片可以存檔備份,真人又如何?我曾經因為朋友上述提及的AV存檔論而構想過一個故事,那是關於人能否把另一半存檔,即是停留在某一個時期你最喜愛時候的她或他。 ...
girls
黃天頤-讓大腦備份戀愛的感覺
28 May 2017