{ SKIP }
文:MenClub 魏文青  
POSTED ON 03 Jul 2017
講起韓國女團AOA,好多人第一時間都係諗起佢哋嘅「外貌擔當」雪炫,話哂又有長腿身材又豐滿個樣又可愛,算係呢兩年嘅少男殺手。但咁多位Gentlemen都唔再係十六七八嘅「少男」,口味當然更加廣闊,我就知道好多男士反而更加鍾意AOA入面嘅主唱草娥(Choa),貪佢短髮夠清爽、有輕熟女嘅韻味又有少女嘅天真(睇落係咁啦)。不過近日佢就宣佈退出AOA單飛,仲有傳佢係為咗結婚喎。


一切其實要由今年三月講起,自從3月11日草娥聯同團員一齊舉辦演唱會之後,一直都未有公開出席團隊活動。雖然後來事務所FNC同草娥本人分別發出聲明,指佢係因為工作太辛苦而休假,但都未能令粉絲釋懷。之後更有傳佢同團員不和、又指佢因為戀上年輕CEO,掛住拍拖而不理事業。去到6月22日,草娥就喺Instagram宣佈退團。

AOA過往性感MV


作為隊中嘅大家姐,草娥不單係主唱,亦喺咁多位團員中做最多主持工作嘅,加上出道時間耐,又要照顧其他隊員,壓力之下就患有抑鬱同失眠,就算有食藥、開始減少活動都未見好轉,加上一路拖落去對佢同團員都唔係好事,所以佢就決定退團,佢亦澄清自己唔係因為要結婚或者有咗所以先有呢個決定。而事務所FNC喺同佢本人商討之下都未能挽回佢嘅決定,於是喺日前對外確認草娥退團嘅消息。

AOA隊員雪炫


AOA都可以話係文青唯一一隊真心鍾意嘅韓國女團,雖然本命係智珉,但我對「草娥大媽」嘅感覺都唔差,加上佢係隊中最有成熟性感味道嘅女仔,要退團都真係幾可惜。不過留意嘅係佢只係「退團」,唔係退出演藝圈,所以黎緊佢仲會以個人形式出現,而AOA其他團員都會暫時以個人身份活動。希望第時都仲有機會見到佢哋啦。

AOA隊長智珉






14歲就生到咁,真係唔公平!
girls
小心被人拉 14歲俄羅斯美少女
18 Nov 2017
美好身材盡現!
girls
親身示範 Emily Ratajkowki泳衣品牌
17 Nov 2017