{ SKIP }
文:MenClub 魏文青  
POSTED ON 06 Jul 2017
唔講唔知,原來琴日(7月5日)係性感泳衣「比堅尼」面世嘅71週年(好明顯我都係今日先知)。大家咁多年黎睇過無數個靚女著過比堅尼,每一次都只係幻想緊比堅尼之下嘅粉嫩肉體,但就從來都冇理解過呢兩件由四個三角型組成、為你建構幻想空間,甚至改變整個流行文化嘅泳衣!咁你話幾咁唔感恩呢!所以今日就大家講下「比堅尼」嘅歷史!



「比堅尼(Bikini)」泛指上身為胸罩、下身為內褲嘅兩件式泳衣,不過其實類似嘅兩件式女性服裝早於公元1400年前嘅希臘-羅馬時期就已經出現,當時係作為女運動員嘅服裝,被紀錄於瓮同畫作之中。另一方面,泳衣由18世紀出現後就改變,由以往要包裹身體變得更具裝飾性,同時又因為「曬太陽」比「遊水」更受歡迎,所以遮蓋身體嘅部份亦越來越少,露臍嘅設計亦開始出現。


直到二戰時期,由於物資短缺,用黎造泳衣嘅布料越黎越少;又因為打仗時期大概都唔會有人有閒情逸緻去曬太陽嘅關係,導致泳衣銷量大跌。於是喺法國就有兩個麻甩佬分別決定要整一件用最少布嘅泳衣,仲要一齊喺1946年推出,又一齊用當年最矚目嘅「原子彈」黎命名,分別係由Jacques Heim設計嘅「ATOME」,同由Louis Reard設計,於7月5日推出嘅「Le Bikini(取名自美國核試地點比堅尼環礁)」。前者號稱「世上最細件嘅泳衣」,後者追住黎打自稱「比世上最細嘅泳衣更細」!

ATOME

Le Bikini (穿著者為Micheline Bernardini)

另一位模特兒穿起Bikini


實際上「Atome」同「Le Bikini」都係兩件頭,最大分別係「Atome」嘅泳褲係高腰會遮到肚臍;「Le Bikini」係低腰會露臍。唔好睇少呢少少分別,事關喺當年嘅西方文化中,露出肚臍係一件相當不妥當、甚至係「下流」嘅事,所以遮住肚臍嘅「Atome」喺市場上係更受歡迎,「Le Bikini」推出時甚至因為搵唔到模特兒肯試,Reard要搵一個脫衣舞孃Micheline Bernardini黎影宣傳照。但就因為Le Bikini更加大膽,又更有想像空間,於是成為呢款泳衣嘅代名詞。

Marilyn Monroe

Elizabeth Taylor

Rita Hayworth

Ursula Andress於《Mr.No》中嘅白色比堅尼畫面


縱然當年嘅社會都係接受唔到呢種「下流」嘅服裝,1950年代嘅多位性感女星就協助推動比堅尼文化,Marilyn Monroe、Elizabeth Taylor同Rita Hayworth等當代尤物紛紛著起比堅尼,加上被稱為Sex Kitten嘅法國女星Brigitte Bardot於1952年以比堅尼形象出演電影《The Girl in the Bikini》,比堅尼正式進入流行文化。之後1962年《Playboy》首次以比堅尼女郎做封面、1964年《Sports Illstrated Swimsuit Editon》跟隨,1962年第一部007電影《Dr. No》中Ursula Andress穿著白色比堅尼嘅一幕更被譽為時裝史上重要嘅一刻,比堅尼就成為大眾能接受(著唔著上身係另一回事啦)嘅泳衣。



現代嘅「比堅尼」呢個字已經唔再獨指「兩件頭泳衣」,而成為「性感泳衣」嘅代名詞。根據露出度同露出方法,有一堆「-kini」為尾嘅「家族成員」,有啲根本就唔係兩件頭黎添!但點都好,比堅尼咁多年黎都係男士夏日去沙灘會用目光「J縱」嘅景點,亦為大家帶黎唔少心跳嘅時刻,一切都要追溯至71年前嘅7月5日。所以(雖然遲咗一日)就讓我哋懷住感恩的心,講一句「多謝」!
參考資料:WikipediaBBC
中秋未到都可以賞月嘅!
girls
臀友又黎啦! 收集的漂亮Pat Pat的Instagram
20 Sep 2017
原來再高的學歷,再美的容貌,也會在愛情關卡裡進退失據,公平面對你我她都有的憂慮。
girls
黃天頤-《可以沒有十優,但不可以沒有單身的行動力》
20 Sep 2017