{ SKIP }
文:MenClub 魏文青  
POSTED ON 27 Jul 2017

俗語有云,有得揀先係老闆,咁係人都想做老闆,所以好多時候就算係一啲冇得揀嘅嘢,只要包裝到好似有得揀咁,我哋就會睇得好開心。好似台灣網上近日就流傳呢張有三位長腿美女嘅合照,大家就好開心咁揀究竟邊個最靚,你又點睇?



我估最多人揀嘅應該係正中嘅呢位,而佢其實就叫「鄭安文(Annber)」,係台灣文化大學中嘅一名靚女,憑住美貌同長腿成為校內嘅話題人物,上年年頭被台灣網絡節目《校花點點名》訪問過,2015年仲贏咗「全球城市小姐」第四名(雖然我就冇聽過呢個選美比賽嘅…)。今次呢張合照就係同兩位朋友去咗台灣一間酒店嘅泳池Party時影嘅。圖左嘅叫「Vittoria」、圖右嘅就叫「王靖怡」都係略有名氣嘅台灣美女啦。


講返Annber先,話說呢張合照喺網上流傳之後,好多人都話佢個樣好似日本AV女優若菜奈央,加上164cm身高、超正長腿等同若菜奈央都算係吻合,但其實睇真啲又唔算太似樣。而Annber其實仲有一個姐姐叫「小奈」,而且都係一個靚女,佢仲喺訪問中透露過喺一個Party中有個男仔先試圖同佢搭訕,佢拒絕之後個男仔就轉去搭姐姐,然後都失敗!


唔好睇佢兩姊妹都靚就一定好離地喎,據Annber嘅朋友講,最怕就係同佢打牌,因為佢每次打牌都會激動到大叫;而且又有強逼症,銀包入面啲錢一定要按同方向擺——呢啲嘢我都有做喎,咁我哋咪天作之合?

annber831025 on Instagram



冇波踢唔緊要,玩第二啲波都好開心架
girls
J洛新女友 俄羅斯索模Helga Lovekaty
23 Oct 2017
透過裸體瑜伽,鼓勵大家欣賞自己身體的美麗
girls
感受自然之美 潮流興裸體瑜伽
23 Oct 2017