{ SKIP }
文:MenClub 魏文青  
POSTED ON 23 Nov 2017
荷里活靚女有極多,但就唔係每一個都可以好似Jennifer Lawrence (J.Law)咁男女通殺。佢既有性感豐滿嘅曲線身材,又有爽朗幽默嘅迷人性格,簡直就係演藝圈女藝人嘅清泉!不過佢揀男友嘅眼光有時都幾「特別」,例如佢最近一個男友就係大佢22年仲有個仔嘅導演Darren Aronofsky,「好在」據報兩人已經分手,J.Law重返單返單身市場!
據《People》報導,拍咗大概一年拖嘅J.Law同Darren已經於近日分手,不過具體分手嘅原因就暫時未知。J.Law同Darren乃係拍攝今年上映,「惡名昭著」嘅電影《Mother!》時認識,之後兩日被多次拍到於美國不同地方約會晚飯,到今年年中先首次承認拍拖,當時仲指男方令佢「充滿活力」。事實上佢兩個都真係玩得好激,仲試過玩到J.Law肋骨脫臼——噢我講緊佢哋拍攝《Mother!》嘅時候,有一場戲因為太緊張而令J.Law太用力呼吸,結果Chok甩咗條肋骨啫。
Darreny自1998年開始職業導演生涯之後,拍過《超時空.愛》、《黑天鵝》等電影,亦有參與《擊情手足》、《第一夫人:積琪蓮甘迺迪》等製作,整體水準相當高。但今年上映、以《聖經》創世紀故事為藍本嘅《Mother!》就因為宗教、手法、宣傳等各類問題而飽受批評,成為今年「最伏電影」。

講真,J.Law同邊個拍拖都唔太關我哋呢啲小市民事架啦,但作為Fans又希望佢搵到個更加登對嘅男友囉!再唔係話唔知因為佢冇男友管住,黎緊會有更性感演出呢?話哂佢係Jennifer Lawrence喎!佢做得出架!
日本採用三學期制,所以學年嘅最後一個學期會於3月完結,換言之依家呢個時間就係學生們畢業嘅季節,當中當然有已經年紀輕輕就已經出道嘅寫真女星。好似今晚要為大家介紹嘅呢位「矢野ななか」咁,就係應屆高中畢業生 ...
girls
【深夜】剛剛高中畢業!LEVEL不同的「矢野ななか」
27 Mar 2024
時下年輕人觀念開放,隨便打開個IG碌兩碌,都可以見到啲女網紅/KOL著比堅尼影相拍片供大家欣賞。不過即使係隨便一本雜誌都會有泳裝寫真嘅日本,其實都有較為保守嘅女仔。好似今晚要介紹嘅呢位「吉田伶香」咁,佢人生 ...
girls
【深夜】人生初比堅尼 「吉田伶香」處女寫真二連發
25 Mar 2024