{ SKIP }
文:MenClub 魏文青  
POSTED ON 24 Nov 2017
自從Emilia Clarke成為《Game of Throne》入面嘅「Khaleesi」之後,佢就憑精湛演技、個人魅力,除咗成為「蕭叔叔」嘅女神三號,更加係唔少男仔嘅夢中情人。近日Emilia就於一個訪問中大談對愛情觀,以及《GOT》中嘅性愛裸露場面。

《Harper's Bazaar》最新一期搵黎Emilia做封面,而適逢「龍母」做咗意大利時裝品牌Dolce & Gabbana嘅香水「the One」代言人,於是佢哋就問起佢對「The One(命中注定的一人)」嘅睇法。估唔到Emilia其實唔多信命中注定嘅睇法:「你會很想去相信人會有命中注定的『一人』對吧?但人生中每個階段都會有不同的『一人』,你也會隨年紀而變。我年輕時會遇到那某位『一人』,但之後又會遇到另外的『一人』。」

意即Emilia唔認為愛情係一件長久而永恆嘅事,到某年某日你就可能唔再愛身邊嘅呢個人——我知呢個睇法好普遍,但一位一線女星於一個公開訪問中講出黎,佢又好直接囉!

圖片:Harper's Bazaar

估唔到接下來Emilia就更加直接。卻說經常有研究指《Game of Throne》每次回歸,各大成人網站嘅瀏覽人數都會下跌。一方面係因為大家忙住追劇,另一方面亦係指《GOT》中嘅裸露性愛場面足以取代成人影片。但Emilia就認為呢個說法非常煩厭。佢指出《The Handmaid's Tale》(Netflix劇集,今年艾美獎提名13項拎咗8個)其實都係充滿裸露同性愛鏡頭:「很多的劇集其實都是圍繞著『人類要繁衍』的事實而發生。」重點是下一句:「人們就是會為了歡愉而做愛,這就是生活呀!』

我個人非常認同呢一句,但我同時認為Emilia唔清楚啲凡人諗緊咩——我哋裸露人做愛的確係正常生活,但睇住你裸露同做愛就係「快活」架啦嘛!

喺訪問中Emilia仲談到成名之後對人嘅猜疑、自己嘅印度血統、以及《GOT》以外嘅工作。想知嘅話去返《Harper's Bazaar》到就得啦!
Harper's Bazaar
日本採用三學期制,所以學年嘅最後一個學期會於3月完結,換言之依家呢個時間就係學生們畢業嘅季節,當中當然有已經年紀輕輕就已經出道嘅寫真女星。好似今晚要為大家介紹嘅呢位「矢野ななか」咁,就係應屆高中畢業生 ...
girls
【深夜】剛剛高中畢業!LEVEL不同的「矢野ななか」
27 Mar 2024
時下年輕人觀念開放,隨便打開個IG碌兩碌,都可以見到啲女網紅/KOL著比堅尼影相拍片供大家欣賞。不過即使係隨便一本雜誌都會有泳裝寫真嘅日本,其實都有較為保守嘅女仔。好似今晚要介紹嘅呢位「吉田伶香」咁,佢人生 ...
girls
【深夜】人生初比堅尼 「吉田伶香」處女寫真二連發
25 Mar 2024