文：MenClub 魏文青
POSTED ON 14 May 2018
| Elon Musk號稱現實版Tony Stark，個人又聰明又瀟洒又靚仔又有錢又盛，你可能會覺得佢會有好多女朋友。事實上呢位離過三次婚(其中兩次係同同一個老婆)嘅億萬富豪私生活又冇大家想像中咁「五光十色」，而佢嘅最新女友都係上網識架咋！ |
|
 |
|
| 上星期Met Gala慈善晚會中，Elon Musk就帶同加拿大DJ「Grimes」(Claire Boucher)一同出席，說明二人正在約會當中。據報兩人只係識咗個令月左右，而且係上網識！話說外國網上有一個由網友「Roko」提出，名為「Roko's Basilisk」嘅「思想實驗」。呢個思想實驗好複雜，但講到尾就係人工智能會統治世界(詳細解釋可以睇呢到，但係簡體)。一向對人工智能發展好關心嘅Elon Musk就諗到用「Rococo Basilisk」呢食字Gag黎諷刺佢(Rococo係一種藝術風格，Rococo Bailisk本身冇意義，真係食字)，點知佢竟然搵到Grimes喺2015年嘅一個MV中就已經創作咗個叫「Rococo Bailisk」嘅角色，即係佢兩個諗埋同一個Gag！ |
|
|
|
|
| 就係咁，Elon Musk就主動喺Twitter向Grimes搭訕，發現兩個人嘅喜好都相當合拍——簡單啲黎講就係兩個人都好「毒」。例如早前Elon Musk喺Twitter轉發咗條關於彗星嘅片，Grimes就回應指「這是大量的可卡因」，然後Elon Musk又回佢「係，好多人都唔知彗星主要係可卡因」。嗱彗星係咪真係由喺宇宙飛黎飛去嘅可卡因我就唔知，但咁嘅話題佢哋都傾到計就證明大家真係好夾！當時甚至已經有網友叫Elon約Grimes出街，而睇黎佢亦真係有實行呢個建議。牌面睇黎佢兩位就係天造地設嘅一對，唔知將來係咪可以修成正果呢？ |
|
|
|
|
|