{ SKIP }
文:MenClub 魏文青  
POSTED ON 01 Sep 2015

素人,一個大家好可能係睇AV先學返黎嘅字,近年已經引伸成「一般人」的代名詞。素人之所以吸引,係因為比起一般明星多咗份親切感,同觀眾之間嘅距離好似唔係好遠。如果呢個素人仲係一個靚女,就直頭有種發現滄海遺珠、渾金璞玉嘅快感(?)!

而文青要介紹嘅呢一塊璞玉,經過接近兩年嘅時間打磨,今年終於正式登場!佢就係來自馬來西亞、但近年去咗台灣發展嘅「明禎」!



明禎、全名林明禎,乃係出身於吉隆坡嘅馬來西亞人。大約喺2013年底,佢Instagram嘅相畀台灣網民放上網,憑其甜美面孔、白滑肌膚以及巨乳纖腰嘅「娜美身材.瞬間迷倒包括文青在內嘅一眾小毒毒。網民立即發起「肉搜(人肉搜索)」起佢底。當時發現佢住喺鄰近新加坡嘅馬來西亞新山市、家姐就係曾經獲得「馬來西亞小姐」亞軍嘅林詩枝!仲同家姐夾份開咗間美容Spa。自己又開咗間蛋糕店。閒時又會煮返幾味、又識品酒又識彈琴,真係又靚又正又叻又賢淑又盛,絕對係成為老婆嘅好材料!


自此之後,明禎就成為咗網絡紅人。大家睇住四圍去旅行、出席活動、練腹肌、食呢樣食嗰樣,被冠上「大馬郭雪芙」、「真人娜美」等等名堂。早排首次進入台灣FHM嘅「百大美女名單」,經過一連串讀者投票(係!我都有份!)之後更加勇奪第十三名,贏咗Angelababy、豆花妹、安心亞等等女神!


挾住呢個勢頭,最令粉絲們期待卻又怕受傷害嘅事情終於發生!就係明禎將以全名「林明禎」於台灣出道做歌手!第一隻EP將於9月18日開售、而主打歌《冒險愉快》嘅MV早前亦已經率先於Youtube上公開!嗚呀,以後可以瘋狂睇明禎啦!但係又會多咗好多麻甩佬(係,講緊你哋)同我爭啦!我唔制呀嗚嗚嗚!


根據官方資料,《冒險愉快》係為咗離鄉別井嘅林明禎度身創作。除咗歌詞係講出外冒險嘅心情,連主打舞蹈都係為咗突顯佢嘅S型身材而設。為咗跳好呢隻舞,自稱患有「肢體協調障礙」嘅林明禎每日要練習三至四小時嘅舞蹈,除此之外仲有拳擊、發聲等等訓練。好在最後效果咋,辛苦哂啦!乖呀下,哥哥錫返!


放心,文青已經好努力咁約緊明禎做專訪,為咗我下半生,我會努力架啦!

林明禎 on instagram

林明禎 on facebook


日本採用三學期制,所以學年嘅最後一個學期會於3月完結,換言之依家呢個時間就係學生們畢業嘅季節,當中當然有已經年紀輕輕就已經出道嘅寫真女星。好似今晚要為大家介紹嘅呢位「矢野ななか」咁,就係應屆高中畢業生 ...
girls
【深夜】剛剛高中畢業!LEVEL不同的「矢野ななか」
27 Mar 2024
時下年輕人觀念開放,隨便打開個IG碌兩碌,都可以見到啲女網紅/KOL著比堅尼影相拍片供大家欣賞。不過即使係隨便一本雜誌都會有泳裝寫真嘅日本,其實都有較為保守嘅女仔。好似今晚要介紹嘅呢位「吉田伶香」咁,佢人生 ...
girls
【深夜】人生初比堅尼 「吉田伶香」處女寫真二連發
25 Mar 2024