又到年尾，又係時候同大家回顧一下過去一年所發生嘅大事。社會上嘅「政經大事」，有大台為大家效勞。咁我哋MenClub呢啲又Cheap又低俗又唔可以喺地鐵睇嘅就當然係同大家回顧啲同樣又Cheap又低俗又唔可以喺地鐵睇嘅嘢啦！所以大家遮好個Mon未？睇清楚企你側邊個人有冇偷望你未？OK嘅話，我哋一連三日嘅「年度AV回顧系列」就開始架啦！

引退女優、新人女優都同大家介紹過，第三集就同大家介紹一眾曾經退出AV界，但因為各種原因又返返黎同大家見面嘅AV女優。講真，「復出」對AV女優黎講通常都唔係啲咩好事－－因為要復出，首先你要引退。而既然當年會「引退」，一係就搵夠，一係就搵到處好人家，而復出就代表以上嘅計劃都Fail，斷估都冇人會為興趣啩？不過對AV女優唔好，對我哋呢啲AV迷就係好事啦！所以今次就同大家睇下呢班「我跳出又跳入，我跳出又跳入，你J我呀笨」嘅復出女優！

RION　(復出作：新人NO.1STYLE AVデビュー RION (snis517) 發售日期：2015年10月7日)

係，作品名係雞乸咁大隻字寫住「新人」，但如果連橫掃13/14年AV界嘅「宇都宮しをん」你都認唔出，你就唔好學人叫自己做「AV迷」。話說呢位2013年下半年出道嘅女優，出道滿一年(2014年9月)之後就突然「AV消滅(無預告無公佈之下退出AV界)」。之後以「安齋らら」之名轉戰寫真界，但玩咗冇耐又唔見咗影，到今年10月就改以「RION」之名重新出發。作為佢嘅Fans，最擔心嘅就係佢會唔會玩一陣又唔玩？應該就唔會嘞，因為之前一直唔出席公開活動、見面會、甚至連Twitter同Blog都冇嘅「宇都宮」，去到「RION」年代竟然真身出現喺 Japan Adult Expo嘅主台上！之後佢仲會唔會繼續褪下神秘面紗，甚至連格仔都褪埋，大家就拭目以待啦！

湊莉久　(復出作：ReBORN 湊莉久 teamZERO専属＆復帰4時間 (team069) 發售日期：2015年10月13日)

湊莉久(我成日好想叫佢做「臭你又」……)乃係DMM Award 2015(2015年頭舉辦，計2014年銷售成績)嘅「最優秀女優賞」得主。當年嘅佢乃係堪比上原亞衣嘅單體大魔王，除咗勁到打敗吉沢明步同Julia攞獎之外，最勁嘅就係佢喺頒獎禮之前已經宣佈因為健康問題而無限期停拍AV－－即係等如有個歌手年中宣佈以後唔唱歌，年尾頒獎禮都照比歌手獎(而唔係老人獎)佢喎！仲唔犀利呀？不過最犀利嘅就係佢拎咗個獎之後就好返啦！而且仲由單體女優成為Team Zero專屬，創下單體女優嘅歷史！之於佢啲作品好唔好睇啦喎……我就會話啲企劃係唔錯嘅…

尾上若葉　(復出作：復活 尾上若葉 (miad844) 發售日期：2015年12月1日)

另一位單體女王。由2013年年中話要引退，13年年尾同14年年頭連無碼都拍埋，但結果拖下拖下就拖到2014年6月先出引退作。之後仲有N套合集有佢嘅身影，啱啱12月又復出，尾上若葉就真係「沒離開過」一樣。呢位H Cup主動式痴女應該係唔少胸奴們嘅至愛，再加上渾圓嘅臀部，真係可以稱為「前後通殺」。事實上休息咗半年之後，尾上若葉嘅狀態亦的確比起引退前好得多，唔單止冇肥到，腰間贅肉反而清減咗，最起碼就停止咗「遙希」化先囉！

上原瑞穗　(復出作：上原瑞穂 復活 (bgn018) 發售日期：2015年2月20日)

 2011年於Prestige出道，曾經被譽為當年AV界最有氣質、最靚女嘅AV女優。但後來就因為唔習慣面對人群而引發嘅情緒問題，於2012年頭悄然無聲地消滅，但舊作銷量依然不減，亦令Prestige同經理人公司Lotus落力說服佢復出。結果喺兩年後嘅2015年2月發表復活作，更令人興奮嘅係兩年過去，上原瑞穗唔單止身形越趨成熟，仲一改以往嘅羞澀演技，進化成「攻守兼備」嘅好對手！如果可以改善一下叫聲比較單調嘅問題就直頭完美添！

月島ななこ (ネットで話題の過激美女がAV復活中出し！！あの事件を反省して、謝罪・土下座する美尻に容赦なく大量中出し！！ 月島ななこ (hnd224) 發售日期：2015年10月25日)

又一個改名復出嘅女優，原名就叫做「片桐えりりか」，有冇印象？冇，我明。咁如果我話「素股結他」你又有冇印象？可能有呢？話說喺2010年，當年嘅「片桐えりりか」開始喺日本NICONICO做網上直播，當時嘅佢就使出「素股結他」，即係用下體彈結他嘅「神技」，結果成為網絡熱話。後來又因為出「下體寫真」而被警察查問、玩滅火筒玩到上報紙頭條，就算之後出到拍AV都繼續係以重口主題(多為被辱)為主。之後轉拍無碼，但就因為同經理人公司鬧翻而令到作品不能公開，最後於2013年退出AV界，啱啱呢個10月就以「月島ななこ」之名復出，而且一拍就係以「真正中出」為賣點嘅「本中」發片。睇黎月會圓，但人就真係冇咩點變啦……

作為AV迷，見到心愛嘅女優復出，心情其實真係幾矛盾。即係如果過幾年希志BB復出，我都唔知應該開心又有得J好呀，定擔心佢係咪被人拋棄咗好。不過男人嘅優點喺呢到就盡遺無遺－－上天生得我哋有兩個頭，咪就係要我哋將肉體同感情分開囉？既然係咁，一路J一路傷感，完全冇問題呀！