9月12日《我和三上有個約會》

三上當日一早就到咗會場，幫大家簽好哂啲海報

而未到7點都已經有好多Gentlemen排隊等入場，條龍最長有成百人添呀！

三上入場啦！仲穿過在場嘅參加者，唔好話伸手可及，直頭係聞到佢陣除！

之後就開始問答環節。台下嘅參加者除咗可以問三上問題之外，仲會得到佢最新嘅寫真集以及MenClub看家紀念品——即場製作唇印Cushion一大個！你睇啲幸運兒笑得幾開心！

適逢中秋佳節，我哋都準備咗月餅同燈籠送畀三上。而且仲抽出咗三位參加者，有機會食三上食過嘅月餅——不過只係其中一個人有呢個機會，其他兩個，係要自己互餵……

而最後嘅幸運兒就係佢啦！唔知係咪太緊張，佢三上餵完佢之後，將剩返嗰半個月餅都送埋畀佢，然後佢一落台，就成舊跌咗落地。

當時嘅佢真係可以用「慌張西望」黎形容。

之後就係握手環節。三上不愧係偶像出身，好識做咁同每個參加者十指緊扣影相，而且仲主動哄到好埋，現場氣溫(係真．氣溫)即刻上升到令人汗流夾背嘅程度！

最後三上就話希望好快可以同大家再見面喎！一於咁話啦！

每位參加者都會得到一袋紀念品，當中包括三上嘅親筆簽名海報、一套八款嘅八達通貼紙、以及MenClub血汗工廠手製嘅三上包裝紙巾一卷！

9月13日 《我和三上有個Lunch Break》

第二日嘅活動同第一日差唔多，值得一提嘅係今次女生參與嘅人數多過前一晚一倍——有兩個！

對比起《約會》，《Lunch Break》嘅大家睇黎就怕醜啲，唔通日光日白真係有影響？

同樣都有問答環節，同樣都有寫真集同Cushion送！不過今日就唔食月餅啦，改食蛋撻！而且個蛋撻睇黎就好好食，三上一口咬咗半個，塞滿哂個口講唔到嘢…唔…似曾相識，似曾相識嘅畫面。

最後就係握手簽名合照嘅時間。今日好多人都拎自己部電話或者尿袋出黎畀三上簽，不過最特別嘅係有人拎張「花蟹(十蚊紙)」出黎，結果比在場人士話佢出手低，然後又有人拎張100蚊出黎。

最後嘅大合照！

同場加映《我和Mean娜有張自拍》活動

今次嘅《我和三上》活動舉行得好成功，多謝各位Gentlemen湧躍參加！希望好快可以同大家再見！