話咁快又一年，又係時候同大家回顧一下過去一年發生喺大家身邊嘅大事。一如以往，啲咩社會經濟呢啲由上面個頭處理嘅嘢，自有大台為你服務；而文青就照顧一下大家另一個頭，為大家整理一下過去一年AV界發生嘅大事。第一篇，我哋先黎回顧一下今年引退嘅女優們。

經歷過2015年有多位大物女優引退，有返咁上下資歷嘅AV迷相信都已經做哂心理準備。不過話雖如此，見到一班陪住你大嘅女優引退，作為一個長情嘅男人黎講都係會有幾分唏噓。尤其今年引退嘅女優之中，有好幾個仲係大家非常有感情嘅。唯有套用台灣AV達人「一劍浣春秋」嘅說話，「淫河的歷史又翻過一頁」。

麻倉憂

8月嘅時間都有同大家介紹過，呢位於2009年以單體身份出道嘅女優，經歷過瘋狂發片嘅時期、人氣爆發之後轉為專屬、2013年年頭第一次宣佈引退，年中「下馬」推出無碼作品，11月又於有碼界復出。2014年由老牌片商KMP轉會至Wanz Factory一直發片到今年。可惜去到8月嘅時候再一次宣佈引退。嗱講真，自從佢下馬再返黎之後，佢嘅演出就已經冇咗以往嘅靈氣，轉會去到Wanz Factory之後經常以「中出」作招徠，但作品實際上又唔算好好睇。不過話哂係一代美少女，對我哋黎講係感情分搭夠啦！

值得留意嘅係麻倉憂BB係以「不告而別」嘅方式引退(即係同片商失聯)，所以並冇一隻正式嘅引退作。不過去到12月頭，佢又喺久未更新嘅個人部落格上留咗兩句簡單說話，大致交代自己「還算有精神」，仲問「有冇人睇緊」。睇黎都唔係完全退出AV界。不過計我話最緊要都係養好身子，健健康康先算啦！

みづなれい(水菜麗)

全平假名嘅名，明明大部份人都應該唔識讀，但一睇個字，你又知佢係叫「水菜麗」，可見佢喺華人圈中係有一個特別位置。呢位鍾意Cosplay同玩模型嘅宅女AV女優於七年前出道，一開始以JK美少女形象發片，後來脫離專屬成為單體，發片量亦以爆發性增長。而隨住佢於AV界越黎越耐，大家亦知道佢其實唔係一個普通「美少女」，而係一個戰鬥力極強嘅輕熟女！中後期嘅作品唔係玩「糞」就係「放尿」，再唔係就「痴女逆姦」、「綑綁」，甚至仲有「眼射」呢啲你睇字都會皺眉嘅超重口味作品！但亦因為咁，所以佢又成功建立一個獨特形象！可惜嘅係呢位「暗黑郭采潔」已經於今年上半年引退，而目前都冇聽到任何關於佢復出嘅消息。既然係咁就等我哋祝福佢一路好走啦！

沖田杏梨

人稱「人間最強Body」，擁有L級上圍、拍過《豪情3D》、兩次出席台灣成人展。沖田杏梨或者係成個名單入面知名度最高嘅女優——至少連我阿媽都知佢係「人間最強Body」。不過亦都係因為佢喺大中華圈闖出名堂嘅關係，所以去到後期「拍AV」都已經唔係佢嘅重心，反而係以「AV女優」嘅身份出席活動「搵真銀」。而沖田杏梨宣佈嘅都係「AV引退」，換言之你可以當佢係另一個蒼井老師，AV就唔會再拍架啦，但你久唔久又會喺新聞見到佢咁囉！

天海つばさ

又一位出道七年後引退嘅女優。擁有冷艷嘅樣貌、高傲嘅氣質，唔睇對太假嘅上圍，佢實在係所有「抖M」必收嘅女王系女優。而且當上年RIO、希志、美雪艾莉絲等多位大物引退，希美、希島轉會之後，佢更加係片商「Ideapocket」僅存嘅台柱，可惜嘅係佢都決定引退。當中最大嘅意義唔係佢本身，而係「Ideapocket」嘅沒落。

丘咲エミリ

一身古銅肌膚、纖瘦嘅身材、緊緻嘅美腿同渾圓嘅小屁屁，丘咲エミリ乃係少數以辣妹形象站得住腳嘅女優(另一個係AIKA)。其實佢成個2016年都不停講自己會引退，所以影迷都有哂心理準備，最後佢喺11月頭就去返Ideapocket推出引退作。不過由於佢都拍落唔少單體作嘅原因，或者黎緊短時間內大家都可能會見到佢嘅新作。另一個令人「雞動」嘅消息，就係近排有傳佢可能會「下馬」！我期待呀！

松岡ちな

好啦，呢個就慘啲啦。松岡ちな喺兩年前出道時曾經被譽為「宇都宮しをん(現名RION)」嘅接班人，一樣係「美貌」、「爆乳」、「神秘」為賣點。事實上佢都真係有呢個潛力，可惜嘅係喺今年年頭佢喺去超級市場嘅途中被車撞到，傷勢頗嚴重之餘更加被病毒感染，最後就真係被逼引退…最慘嘅係撞低佢嘅人仲係不顧而去，連告都冇得告！所以大家揸車真係要小心啲啦！