{ SKIP }
文:MenClub 魏文青  
POSTED ON 09 Jan 2017
啱啱過去呢個週末你有咩做?都係打機打飛機咁?文青作為一個文青,就去咗睇戲,睇一套紀念日本電影公司「日活」45週年嘅「羅漫色情電影」《濕濡的女人(Wet Woman In The Wind)》。若果真係要講,淨係日活本身嘅歷史、又或者《濕》的導演塩田明彥於電影所帶出,對於現時日本AV的諷刺都有排講,亦有唔少人講過。既然係咁,文青獻醜不如藏拙,都係講返電影女主角,間宮夕貴。


間宮夕貴於電影中飾演情慾放縱的汐里,在海邊遇上獨居山中避開情慾的劇作家高介,她故意引誘,但男方就不為所動,於是汐里不停在高介面前展露身段,又在高介面前與其他男人做愛,為的就是要挑起高介對自己的佔有慾。電影號稱「每10分鐘就有一段性愛場面」,最後更有一段20分鐘左右的連環性愛,激烈程度可想而知。

縱然電影唔係純粹賣弄色情,但作為一個男人,比多幾分注意力間宮夕貴好合理下話?今年25歲嘅間宮夕貴有「小壇蜜」之稱,除咗因為佢曾經喺電影《甘い鞭》與壇蜜飾演同一個角色(年輕版),更加因為佢同壇蜜一樣經常出演情色電影。就例如《甘い鞭》入面佢飾演嘅奈緒子就有一場兩分鐘嘅「綁繩吊起全裸M字開腿被SM」戲;於《女子高校拷問部》飾演拷問部部長,睇個名都知咩事;今年年中日本上映,改篇自江戶川亂步同名小說嘅《屋根裏の散歩者》一樣有情慾戲,可以話係日本情慾電影專門演員。


OK,突然講啲咁有深度嘅嘢我知大家唔慣,咁我講返間宮夕貴嘅身材。本身係水著女優嘅佢於2009年以「最上ゆき」之名出道,後來先改名做「間宮夕貴」。佢左邊面上有一粒銷魂痣,胸前就有另外兩粒F級嘅,樣貌就有啲似當年嘅舒琪,絕對可以稱為尤物。作為水著女優,佢由一出道嘅演出就已經相當踩界,意淫動作就家常便飯,就算露點演出都唔罕見,只係唔會露出第三點咁解。


除咗演出,佢連平時嘅訪談都相當大膽,例如佢就曾經直認自己係個「熟男控」,鍾情於年紀比自己大嘅成熟男,甚至會喺車站遇上一群大叔時特登走埋去索一索佢哋陣味。再睇返佢嘅演出,係咪令你好懷疑當中沉重嘅呼吸聲、撩人的嬌喘、身體的蠕動都唔係單純嘅演技咁簡單呢?


史無前例地寫到第六段,證明我有幾想介紹間宮夕貴畀大家認識。而《濕濡的女人》實在亦係一套好電影,絕對值得大家入場。我只係希望大家注意兩樣嘢,第一,唔好當人哋係AV咁睇,試下留意演員做緊咩、點解鏡頭要咁放、導演想講嘅係咩;第二,千祈千祈唔好同男仔朋友兩個去睇--你唔尷尬啫,坐你附近啲人尷呀嘛。
歷史上掛上「邦民女」這個稱號的,都是清純可愛的小女生,但來到最新一代,我眼前有著一對豐唇的Gillian卻在舉手投足間散發一種自然而來的性感…
girls
[Menstagirl] 性感邦民女 - Gillian Ng 伍倩彤
24 Feb 2017
即係假如,如果你就係李逍遙,你依家就喺河邊見到呢一位由「barbiemozz」飾演嘅趙靈兒,你又會有咩反應?
girls
欺人泰仔? 《仙劍》趙靈兒「mammosgirldiaun11」
23 Feb 2017