{ SKIP }
文:MenClub 魏文青  
POSTED ON 15 Mar 2017
早排睇完《Fast and Furious 8》嘅預告,見到雲迪素又講起「Family」,突然先醒起呢個大家庭已經有一個人永遠離開咗我哋——講緊嘅就係2013年11月因為車禍逝世嘅Paul Walker。當時佢就留低僅得十五歲、與前女友所生嘅女Meadow Walker


Paul Walker係電影圈公認嘅好爸爸(雖然會帶個女去飛車對大部份香港媽媽黎講都應該唔係好事),所以Meadow同爸爸嘅關係亦非常好,亦可想而知當佢十五歲嘅時候就要面對爸爸永遠離開自己係一件幾需要勇氣嘅事。好在嘅係Walker以身作則教導Meadow要成為一個正面向善嘅人,Meadow曾經於一個訪問中提到自己同爸爸一樣熱愛海洋、拯救動物、幫助別人以及自發性嘅向善。所以Meadow喺呢三年內成立咗「Paul Walker Foundation」,專門幫助海洋科技學生及業者。


另一邊廂,Meadow亦係一個處事成熟嘅人。面對爸爸離世,佢選擇低調處理。除咗成立「Paul Walker Foundation」以及每年頒發「Paul Walker Leadership Awards」嘅時候會稍為露臉,大部份時間都係專心讀書。Paul離世時留下遺囑,將自己整筆大約2500萬美金嘅財產全數留哂畀Meadow,亦點名要自己媽媽,而非前女友兼Meadow親生媽媽Rebecca Soteros成為Meadow嘅監護人。雖然點解要Paul咁做就冇人知,但相信Meadow都需要唔少心力去處理呢啲家事。同時佢亦都委託律師控告Porsche未有為Carrera GT(Paul出意外事所乘車輛)安裝安全裝置導致意外發生,又從Roger Rodas(Paul的好友,事發時的駕駛者)遺產中獲得1000萬美金嘅賠償。但佢依然處理得井井有條,絕對係又靚又叻。


有傳Meadow已經同模特兒公司簽好合約,將會跟隨爸爸腳步進入演藝圈。唔知佢會唔會有份出演往後嘅《Fast and Furious》系列呢?




日本採用三學期制,所以學年嘅最後一個學期會於3月完結,換言之依家呢個時間就係學生們畢業嘅季節,當中當然有已經年紀輕輕就已經出道嘅寫真女星。好似今晚要為大家介紹嘅呢位「矢野ななか」咁,就係應屆高中畢業生 ...
girls
【深夜】剛剛高中畢業!LEVEL不同的「矢野ななか」
27 Mar 2024
時下年輕人觀念開放,隨便打開個IG碌兩碌,都可以見到啲女網紅/KOL著比堅尼影相拍片供大家欣賞。不過即使係隨便一本雜誌都會有泳裝寫真嘅日本,其實都有較為保守嘅女仔。好似今晚要介紹嘅呢位「吉田伶香」咁,佢人生 ...
girls
【深夜】人生初比堅尼 「吉田伶香」處女寫真二連發
25 Mar 2024