- SITE MAP
- |
- CONTACT US
- |
- ADVERTISING
- |
- PRIVACY
- |
- MOBILE
- |
- RSS
呢個星期好銀忙?#你大佬我提提你,今個星期就係母親節啦,記錯日子、枱都未book、未齊人又或者睇完MenClub母親節推介都未決定到?依例一律五雷轟頂處理啦!等等,我孝心發現,俾多個機會同老媽子食個飯,俾多幾間你揀啦! | |
花園靚景法國下午茶 新城市廣場今個母親節同法國老牌餐廳FAUCHON在首間café聯乘推出限定下午茶套餐,多款全新獨家推出美食,仲要可以俾客人喺商場7/F空中平台花園享用,不得了,育成老母港女氣質。新城市廣場7樓空中平台花園變身法式秘密後花園,成為與媽媽High tea的好去處,2米高的LOVE MUM字母大地標,唔使打「母親節」三個字你都知慶祝母親節。食物就包括士多啤梨法式泡芙、朱古力蛋糕、紅菜頭忌廉煙三文魚小煎餅等,好老實,你話自己個仔帶老媽子去食咁fancy嘅下午茶,唔大讚你孝順仲可以做咩? | |
Fauchon Paris Le Café 地址:沙田沙田正街18號新城市廣場4樓408及410號舖 電話:2237 1515 新城市廣場活動日期:至5月14日 (活動期間逢星期六、日及公眾假期可憑場內消費滿$1,800換領Fauchon Paris Le Café的限定母親節紅粉菲菲二人套餐。) | |
靚茶入饌贈尊貴母親大人 老媽子鍾意飲茶,我當然要帶佢去歎最靚嘅茶啦,茶葉巨頭Tea WG就喺母親節準備咗下午茶同晚餐套餐,從一系列精心挑選的茶品融入於母親美食佳餚,每一道菜都配上獨有茶葉,好似主菜就有以法式伯爵茶 (French Earl Grey) 入饌的龍蝦湯意大利闊條麵伴泰國蘆筍和義大利青瓜,甜品仲有以吾愛之茶(Mon Amour Tea)伴入草莓啫喱及雜莓忌廉慕絲,老母食完一定讓人甜入心。 | |
Tea WG母親節晚餐 $328(5月10至14日在各Tea WG 沙龍供應) | |
Tea WG母親節下午茶兩位用$498(只限於5月14日在各Tea WG 沙龍供應) Tea WG更將於母親節當天特別推出下午茶精選,包括有以三文魚為主的三文治拼盤、香脆春捲配慢煮牛小排、輕煎蝦仁伴牛油果醬、烤法式迷你芝士蔬菜凍,及嫩煮龍蝦佐以香橙果粒。甜點則可從Tea WG的甜點櫃中挑選每日精選的精緻蛋糕,最後從Tea WG眾多茗茶中挑選您的心水。 | |
Tea WG 地址:金鐘金鐘道88號太古廣場1樓162號舖 電話:2363 2318 | |
俾D新意!帶老媽子食比利時Brunch 老媽子想有新意?比利時餐廳相信佢都未去過,喺西環專食海鮮嘅比利時餐廳,啱啱推出全新咗全新嘅Brunch,啱晒慶祝母親節。Brunch除咗要食Egg Benedict外,鋪頭仲有經典肉醬意粉同Belgica 比利時手工薯條,配上全新8款自家製手工醬汁, 包括: 經典蛋黃醬、香蒜蛋黃醬、黑松露蛋黃醬、蜜糖芥末等等。 比利時藍青口配手工薯條及生啤酒 $168 店中重點Belgica藍青口,共有5款口味選擇,包括原味忌廉白汁、經典白酒汁、清新Provençale 蕃茄蓉、亞洲風味椰汁青咖哩,當然小不了,用比利時手工啤 Wittekerke White 煮的Wittekerke Mussels。Belgica週末早午餐就有可以享用2小時無限任飲手工啤酒。 菲力牛扒、龍蝦Egg Benedict $198 | |
Belgica - Bar & Seafood 地址:西環 堅尼地城 厚和街25-33號 厚威閣地下C號 電話:2817 7717 |