{ SKIP }
文:MenClub William
POSTED ON 12 May 2017
等咗成個星期,終於到咗Happy Friday!做得咁辛苦當然要搵個地方飲杯酒啦!如果閣下喺中環返工,恭喜你!中環就有個以日本飲食文化為主題嘅「PMQ乾杯 @ MART BOX」活動,但大家心裡知道,酒才是個重點吧!今次有機會會飲到專門喺日本空軍一號上招待日本皇室或政要嘅指定酒--「 神泉大吟醸」同榮獲全北九州清酒大獎最高榮譽金奬的「大吟醸能古見」,覺得要「酒一轉」囉!


招待日本皇室在內的國內外政要的指定酒 - 神泉大吟醸,味道溫和典雅,具果香及中度的餘韻。

由被譽為味道日本第一的岡山白桃制成的吉備路白桃酒,桃香四溢,入口時桃肉香甜味擴散於喉中。

由今日至5月14日,PMQ就會舉行「PMQ乾杯 @ MART BOX」活動,攤位有酒飲有嘢食有嘢玩,重點嘅酒,頭先都講過,現場仲有還有其他日本酒品牌,如達磨正宗、麒麟山、燦然、石見銀山、梅丈、川鶴、十八盛等等。現場更會特設長5米,高2.4米的日本酒牆為你展示場內日本酒wine pairing的資訊,等你品酒之餘更加可以識酒,仲有幾位日本認證的唎酒師帶來的品酒工作坊,同酒友,同朋友,同女友嚟都OK!








活動仲有另一重點,就係日本食鳥協會越洋而來,率先開售優質日本國產雞肉,好似名古屋交趾雞、祝賀雞、阿波尾雞、丹精國雞、南國元氣雞、博多地雞、上州地雞等,對於鍾意叫雞食嘅朋友真係要試,因為街外仲未有得賣,現場就有雞肉串燒、雞肉丸串燒、雞肉燒賣、巨型雞全翼等食物,邊食可邊問雞嘅來源同故仔。



成隻雞翼有28cm咁長,不過係咩雞咁巨型呢?


PMQ乾杯 @ MART BOX(即日至5月14日)

地址:中環鴨巴甸街 35 號 PMQ 元創方地面廣場

電話:3621 0581

時間:12:00pm - 9:00pm



眼見台灣名店如Dazzling、咖啡弄一個個後輩都進佔香港,度小月終始終要來,新店坐落海港城,有古早味有海景view,不過就....
gourmet
【嚟得太遲】台南名店度小月擔仔麵
23 Jun 2017
最近上海就出現咗外國科創公司嘅自動駕駛流動7仔車,呢個concept,呢個環境,只能夠講太大勇氣。真心想問雖然有自動駕駛,咁撞到撞車黨會點?
gourmet
【我見到勇氣】上海無人自駕流動商店
23 Jun 2017